मुस्लिम समाजाच्या प्रगतीसाठी कटिबद्ध : अजित पवार

स्थैर्य, बारामती, दि. 29 ऑगस्ट : मुस्लिम समाजातील समस्या सोडवण्यात असताना तरुणांना रोजगार,कर्ज,व्यवसाय, नोकरी आदी साठी सहकार्य करू व मुस्लिम समाजाच्या विकासासाठी, प्रगतीसाठी कटिबद्ध असल्याचे प्रतिपादन राज्याचे उपमुख्यमंत्री अजित पवार यांनी केले.

राष्ट्रवादी शरदचंद्र पवार गटाचे अल्पसंख्याख अध्यक्ष अस्लम तांबोळी, उपाध्यक्ष युवक राष्ट्रवादी काँग्रेस पुणे जिल्हा फिरोज बागवान,चिकन सेंटर असोसिएशनचे अध्यक्ष बुर्‍हा बागवान व फुल अँड फायनल ग्रुप अध्यक्ष मोसिन पठाण इतर दोनशे कार्यकर्त्यांनी अजित पवार यांच्या राष्ट्रवादी पक्षात नुकताच प्रवेश केला. या वेळी अजित पवार बोलत होते.

याप्रसंगी नगराध्यक्ष सुभाष सोमाणी, शिक्षण मंडळाचे माजी सदस्य अजीज शेख, बारामती बँकचे चेअरमन सचिन सातव आदी मान्यवर उपस्थित होते.

बारामती शहरातील कब्रस्तानमधील माती बदलणे व इतर सार्वजनिक समस्या सोडवू तसेच बारामतीचा विकास होत असताना मुख्य प्रवाहात समाविष्ट करून घेऊ व विविध राजकीय पदावर कार्यकर्त्यांना संधी देणार असल्याचे अजित पवार यांनी सांगितले
बारामतीच्या विकासात मुस्लिम समाज्याचे योगदान असून उपमुख्यमंत्री अजित पवार यांच्या विचाराने कार्य करून बारामतीचे नाव उज्जवल करणार असल्याचे मत अस्लम तांबोळी व फिरोज बागवान यांनी केले. या कार्यक्रमात अजित पवार यांच्या हस्ते अजीज शेख यांचा सत्कार करण्यात आला. सावळेपाटील यांनी सूत्रसंचालन केले.

शरदचंद्र पवार गटाला धक्का ….

मोठ्या प्रमाणात मुस्लिम तरुण अजित पवार गटात प्रवेश करीत आहेत त्यामुळे शरद पवार गटाला धक्का मानला जात असून स्थानिक स्वराज्य निवडणुकीच्या दृष्टीने सदर प्रवेश महत्त्वाचा मानला जात आहे सर्व संस्था अजित पवार यांच्याकडे असताना आता तरुण वर्ग सुद्धा शरद पवार गटाला सोडून जात आहे हे महत्वाचे आहे