वाढदिवसानिमित्त रक्तदान शिबीराचा उपक्रम स्तुत्य : श्रीमंत संजीवराजे पै.पप्पुभाई शेख यांच्या वाढदिवसानिमित्त रक्तदान शिबीर संपन्न

दैनिक स्थैर्य । दि. २६ ऑगस्ट २०२२ । फलटण । पै.पप्पू शेख यांच्या वाढदिवसानिमित्त रक्तदान शिबीरासारख्या सामाजिक कार्यक्रमाचे आयोजन करण्याचा उपक्रम स्तुत्य असल्याचे गौरवोद्गार, सातारा जिल्हा परिषदेचे माजी अध्यक्ष श्रीमंत संजीवराजे नाईक निंबाळकर यांनी काढले.

येथील राजे गटाचे युवा कार्यकर्ते पै.पप्पुभाई शेख यांच्या वाढदिवसानिमित्त पप्पूभाई शेख मित्र मंडळाच्यावतीने नवलबाई मंगल कार्यालयात अक्षय ब्लड बँक, हडपसर यांच्या सहकार्याने भव्य रक्तदान शिबीराचे आयोजन केले होते. सदर शिबीराचे उद्घाटन श्रीमंत संजीवराजे यांच्या हस्ते संपन्न झाले. त्यावेळी ते बोलत होते.

सदर रक्तदान शिबीरास फलटण पंचायत समितीचे माजी सभापती श्रीमंत विश्‍वजीतराजे नाईक निंबाळकर, दत्तात्रय गुंजवटे, सातारा जिल्हा परिषदेचे माजी सदस्य दत्ताबापू अनपट, फलटणचे माजी उपनगराध्यक्ष नितीनभैय्या भोसले, माजी नगरसेवक बाळासाहेब मेटकरी, सौ.प्रगतीताई कापसे, महात्मा शिक्षण संस्थेचे प्रमुख दादासाहेब चोरमले, भाऊसाहेब कापसे, अ‍ॅड.जावेद मेटकरी आदी मान्यवरांनी भेट देऊन उपक्रमाचे कौतुक करुन पै.पप्पू शेख यांना वाढदिवसानिमित्त शुभेच्छा दिल्या.

दरम्यान, सदर रक्तदान शिबीरास शहरातील युवा कार्यकर्त्यांसह नागरिकांनी उत्स्फूर्त प्रतिसाद देत 272 जणांनी रक्तदान केले.