अतुल पेंढारकर यांना राज्यस्तरीय ‘महाराष्ट्र गौरव पुरस्कार’ प्रदान
थेट WhatsApp वर मिळवा
फलटणच्या सॉफ्टलाईन कॉम्प्युटर्सचे संचालक अतुल पेंढारकर यांना संगणक क्षेत्रातील २५ वर्षांच्या योगदानाबद्दल ‘महाराष्ट्र गौरव पुरस्कार’ प्रदान करण्यात आला.
स्थैर्य, फलटण, दि. २५ सप्टेंबर : फलटण येथील सॉफ्टलाईन कॉम्प्युटर्सचे संचालक अतुल पेंढारकर यांना संगणक क्षेत्रातील २५ वर्षांच्या भरीव योगदानाबद्दल पुणे येथे एका विशेष सोहळ्यात राज्यस्तरीय ‘महाराष्ट्र गौरव पुरस्कार – २०२६’ प्रदान करण्यात आला.
२५ वर्षांच्या सेवेची दखल
महाराष्ट्र ज्ञान महामंडळाच्या (MKCL) माध्यमातून कृत्रिम बुद्धिमत्ता, सायबर सुरक्षा, पायथॉन आणि डिजिटल मार्केटिंगसारख्या अत्याधुनिक कोर्सेसचे प्रशिक्षण अतुल पेंढारकर देतात. नुकत्याच झालेल्या एका ऑनलाईन सत्रातील उत्कृष्ट प्रतिसादानंतर त्यांची या मानाच्या पुरस्कारासाठी अधिकृत शिफारस झाली होती.
पुढील प्रवासासाठी नवी ऊर्जा
हा पुरस्कार म्हणजे माझ्या शैक्षणिक आणि व्यावसायिक प्रवासातील यशाचा नवा टप्पा असून, पुढील कार्यासाठी तो नवी ऊर्जा देणारा आहे, अशी भावना अतुल पेंढारकर यांनी व्यक्त केली. यापूर्वीही त्यांना रामराजे नाईक-निंबाळकर यांच्या हस्ते ‘गौरव ज्ञानाचा’ पुरस्कार मिळाला होता. पेंढारकर यांच्या या यशाबद्दल फलटण परिसरातून त्यांचे कौतुक होत आहे.