सोनगाव येथे मोठ्या उत्साहात अखंड हरिनाम सप्ताह सांगता
दैनिक स्थैर्य । दि. २८ नोव्हेंबर २०२२ । फलटण । सर्व भाविक भक्त व ग्रामस्थ यांना परमार्थाविषयी आवड निर्माण व्हावी , आवड वृद्धिंगत व्हावी , संत संगती , ग्रंथवाचन, श्रवण व नामचिंतन घडावे या हेतूने सोनगाव येथे श्री ग्रंथराज ज्ञानेश्वरी पारायण सोहळा व अखंड हरिनाम सप्ताह वर्ष २८ वे चे आयोजन सोनगाव बंगला येथील ननावरे बंधू यांच्या माऊली शेती फार्म या ठिकाणी उत्साहात करण्यात आले होते . या सप्ताह मध्ये विविध नामांकित कीर्तनकारांची कीर्तनाची सेवा घडली त्यामध्ये ह.भ.प. सतीश महाराज खोमणे,ह.भ.प.नारायण शिंदे महाराज , ह.भ.प प्रल्हाद जाधव महाराज , ह.भ.प गोरख महाराज कुंभार, ह.भ.प बंकट महाराज ढवळे, ह.भ.प विश्वासअप्पा कोळेकर महाराज व प्रवचनकार ह.भ.प कोथंबीरा महाराज यांचा समावेश होता.
या अखंड हरिनाम सप्ताहाचा समारोप रविवार २७/११/२०२२ रोजी पंचक्रोशीतील सर्व वारकरी संप्रदाय भाविक भक्त , तरुण मंडळ व ग्रामस्थ मनोभावे सहभागी झाले होते , माऊली फार्म पासुन दिंडी सुरुवात होऊन ग्रामदैवत सिद्धनाथ मंदिर , हनुमान मंदिर, व विठ्ठल रखुमाई मंदिर भेट घेऊन परत सप्ताह ठिकाणी पोहचली
सिद्धनाथ मंदिर परिसरात या दिंडीचे स्वागत सर्व ग्रामस्थ , तरुण मंडळ यांचे कडून जल्लोषात करण्यात आले.
यामध्ये नियोजित ५१ पती पत्नी जोडप्यां पेक्षा ही जास्त जोडप्यांच्या हस्ते दिंडीचे स्वागत व पूजन करून हा सोहळा अविस्मरणीय करण्यात आला. विद्यमान सरपंच सौ ज्योत्स्ना ताई जगताप व श्री रमेश जगताप या दाम्पत्याच्या हस्ते प्रथम पूजन करण्यात आले .त्यांनतर इतर सर्व जोडप्याने शिस्त राखत दिंडी सोहळ्याचे पूजन केले. वारकरी संप्रदाय व गावातील सर्व तरुण मंडळ एकत्र येऊन सर्व परिसर भक्तमय झाला. यामध्ये विविध कार्यक्रमांचे आयोजन करण्यात आले होते . विशेष सुरुवात ही कबुतरांच्या कारंज्या या आगळ्या वेगळ्या आणि प्राणिमात्रांवर दया करा अश्या संदेशातून करण्यात आली.
सर्व जोडप्यांनि व वारकरी मंडळींनी कीर्तन, भजनांचा जयघोष करत, फुगडी खेळून आनंद साजरा केला. गावातील प्रमुख रस्ते स्वच्छ ,सुशोभित करण्यात आले होते. सर्वांनी आपल्या घरासमोर रांगोळी काढून स्वागत केले.
यामध्ये विठ्ठल प्रसादिक भजनी व भारुड मंडळ सोनगाव बंगला , दत्तात्रय ननावरे , पोपटराव बुरुंगले मा.सरपंच सोनगाव, प्रा राजेश निकाळजे, रमेश जगताप, राजेंद्र आडके, रमेश मदने, उत्तम शेंडे , महादेव कांबळे, संतोष गोरवे, संदीप पिंगळे, भगवान जगदाळे, हनुमंत थोरात , राहुल गायकवाड, सुरेश पवार, गणेश कांबळे, राहुल यादव, संतोष आडके, लखन पिंगळे, दिलीप भंडारे, धर्मराज लांडगे, सचिन लांडगे, दीपक लांडगे, बाबासो टेंबरे, राजेंद्र टेंबरे, निखिल कांबळे, सचिन कांबळे ,सुनील रिटे, लक्ष्मण गायकवाड, बाळासाहेब गायकवाड, करण गोरवे, अमोल सस्ते, अतुल लोंढे, पै.सचिन चव्हाण, पै. अमर भोसले, गणेश नामदास, रोहन भोसले, सुधीर ओव्हाळ, अमर टेंबरे, सचिन शेवते , शिवाजी ढवळे,नाथा खाडे, दीपक कांबळे, अजय सोनवणे,सोमनाथ गायकवाड, कांतीलाल चव्हाण, सुरेश गेजगे व सर्व तरुण मंडळ सोनगाव व ग्रामस्थ यांनी दिंडी सोहळ्याचे संयोजन केले.
सर्व पंचक्रोशीतील ग्रामस्थ ,भक्त भाविक, तरुण मंडळ यांनी एकत्र येऊन गावातील संस्कृती जपत वातावरण भक्तिमय केले.
