गोखळी ग्रामपंचायतीच्या उपसरपंचपदी अभिजित जगताप यांची बिनविरोध निवड
दैनिक स्थैर्य | दि. २४ फेब्रुवारी २०२३ | फलटण |
फलटण तालुक्याच्या पूर्वभागातील गोखळी ग्रामपंचायतीच्या उपसरपंचपदी अभिजीत सुरेश जगताप यांची बिनविरोध निवड झाली आहे. उपसरपंच सागर गावडे पाटील यांनी घरगुती कारणास्तव राजीनामा दिल्याने त्यांच्या रिक्त झालेल्या जागेवर निवड करण्यासाठी सरपंच सुमनताई गावडे यांच्या अध्यक्षतेखाली आयोजित करण्यात आलेल्या सभेत अभिजीत जगताप यांचा एकमेव अर्ज दाखल झाल्याने त्यांची बिनविरोध निवड झाल्याचे सरपंच सुमनताई गावडे यांनी सांगितले.
ग्रामविकास अधिकारी गणेश दडस यांनी सभेचे कामकाज पाहिले. यावेळी पुढील प्रमाणे ग्रामपंचायत सदस्य उपस्थित होते. यामध्ये सौ. रंजना राधेश्याम जाधव, सौ. सुनीता अनिरुद्ध गावडे, हणमंत ज्ञानदेव आटोळे, स्वप्ना योगेश गावडे, सौ. लता गंगाराम गावडे, हेमलता अनिल जगताप, डॉ. अमित सुनील गावडे, सागर आत्माराम गावडे, सौ. उमाबाई शैलेश जगताप, निलेश नंदकुमार घाडगे उपस्थित होते.
या निवडीबद्दल बजरंग गावडे (सवई), खटकेवस्तीचे माजी सरपंच रामभाऊ गावडे, तंटामुक्ती समितीचे अध्यक्ष मनोज तात्या गावडे, अक्षयकुमार गावडे, अविनाश कुमठेकर, पिंटू जगताप, संतोष गावडे, आबासाहेब मदने योगेश भागवत योगेश जाधव यांनी अभिनंदन केले. कार्यक्रमाचे प्रास्ताविक राधेश्याम जाधव यांनी केले, तर आभार डॉ. अमित गावडे यांनी मानले.
