स्वातंत्र्याच्या अमृत महोत्सावानिमित्त सातारा कारागृहातील बंदयांकरीता आरोग्य शिबीर संपन्न

दैनिक स्थैर्य । दि. १८ ऑगस्ट २०२२ । सातारा । स्वातंत्र्याच्या अमृत महोत्सवानिमित्त सातारा जिल्हा कारागृहामध्ये समता फाउंडेशन, मुंबई या संस्थेमार्फत कारागृहातील बंद्यांकरिता आरोग्य शिबिराचे आयोजन करण्यात आले.

या  आरोग्य शिबिरामध्ये त्वचारोग या आजारावर सातारा शहरातील प्रसिद्ध त्वचारोग तज्ञ डॉक्टर किरण जगताप यांच्याकडून कारागृहातील एकूण 75 पुरुष बंदी व एकूण 06 महिला बंदी तसेच अधिकारी व कर्मचारी यांची देखील तपासणी करून उपचार करण्यात आले. तसेच समता फाउंडेशनमार्फत सर्व बंदयांना त्वचारोग संबंधातील औषधांचे मोफत वाटप करण्यात आले.

या आरोग्य शिबीरास कारागृह अधीक्षक  शामकांत शेडगे शिबिरास समता फाउंडेशनचे प्रतिनिधी  सुहास लाटकर, त्वचारोग तज्ञ डॉक्टर  किरण जगताप, वरिष्ठ तुरुंगाधिकारी  ज्ञानेश्वर दुबे, तुरूंग अधिकारी  राजेंद्र भापकर, फार्मासिस्ट मंजुश्री जगताप व इतर कर्मचारी उपस्थित होते.