फलटण तालुक्याचा ५३ करोना बाधित; वडल्यात आणखी एक पॉसिटीव्ह

स्थैर्य, फलटण :  वडले येथील पुर्वीच पाॅसिटीव्ह आलेल्या व्यक्तीच्या निकट संपर्कातील ४५ वर्षीय महिलेचा करोना अहवाल पाॅसिटीव्ह आला आहे. काल (दि. १६ जून) रोजी उपचार चालू असलेले २१ बाधित रुग्ण असून काल अखेर एकूण २७ रुग्ण बरे झालेले आहेत तर काल अखेर ५ जणांना करोना मुळे आपला प्राण गमवावा लागलेला आहे. तर तालुक्यात काल (दि. १६ जून) अखेर एकूण करोनाचे ५३ रुग्ण असल्याची माहिती फलटणचे उपविभागीय अधिकारी डॉ. शिवाजी जगताप यांनी दिली.

काल (दि. १६ जून) अखेर 2932 व्यक्ती होम क्वारंटाईन मध्ये असून त्यांचा १४ दिवसांचा कालावधी पूर्ण झालेला नाही. फलटण येथील करोना केअर सेंटरमधील कन्फर्म वार्ड मध्ये एक रुग्ण असून सस्पेक्ट वार्ड मध्ये ५० जण आहेत. तर संस्थामक विलीगीकरण कक्षात ४३ जण आहेत. काल (दि. १६ जून) रोजी तिघांच्या चाचण्या घेतल्या असून काल (दि. १६ जून) अखेर एकूण ७ करोनाचे अहवाल प्रलंबित आहेत.