अजिंक्यतारा कारखान्याच्या कामगारांना १२ टक्के वेतनवाढ

कारखान्याच्या संचालक मंडळाच्या सभेमध्ये पगारवाढीस सर्वानुमते मंजूरी देण्यात आली. सदर सभेमध्ये कार्यकारी संचालक जिवाजी मोहिते यांनी संचालक मंडळाच्या उपस्थितीमध्ये त्रिपक्षीय कराराची संपूर्ण माहिती अवगत करून दिली. करारानुसार कामगारांना दि.१ नोव्हेंबर २०२१ पासून वेतनवाढ लागू करण्यात आली. याप्रसंगी आ. शिवेंद्रसिंहराजे बोलत होते. यावेळी चेअरमन सर्जेराव सावंत, व्हा. चेअरमन विश्वास शेडगे, कार्यकारी संचालक जिवाजी मोहिते यांच्यासह सर्व संचालक, अधिकारी, कामगार- कर्मचारी उपस्थित होते. वेतनवाढीबाबत कारखान्याच्या कामगार युनियनतर्फे आ. शिवेंद्रसिंहराजे यांच्यासह चेअरमन सावंत, व्हा. चेअरमन शेडगे, सर्व संचालक आणि कार्यकारी संचालक मोहिते यांचा सत्कार करून आभार मानण्यात आले.

कामगार-कर्मचारी सुध्दा प्रामाणिकपणे व निष्ठेने संस्थेची सेवा करून आपले योगदान देत आहेत. आज राज्यातीलच नव्हे तर देशातील सहकारी साखर कारखानदारी क्षेत्रात अजिंक्यतारा कारखान्याचा नावलौकिक आहे. कारखान्याच्या प्रगतीत कामगार, कर्मचाऱ्यांचा मोलाचा वाट आहे, असेही आ. शिवेंद्रसिंहराजे याप्रसंगी म्हणाले.