वडजल गावात योगा प्रशिक्षण कार्यक्रमाचे आयोजन
दैनिक स्थैर्य | दि. ०३ जानेवारी २०२५ | फलटण | फलटण एज्युकेशन सोसायटी संचलित श्रीमंत शिवाजीराजे उद्यानविद्या महाविद्यालय फलटण, अंतर्गत ग्रामीण उद्यानविद्या कार्यानुभव कार्यक्रमांतर्गत वडजल येथे एक अनोखा योगा प्रशिक्षण कार्यक्रम आयोजित करण्यात आला. हा कार्यक्रम दिनांक २ जनवरी २०२५ रोजी वडजल गावात सम्पन्न झाला, ज्यामध्ये ग्रामस्थांना दैनिक जीवनात योगाचे महत्व समजावून सांगितले गेले.
कार्यक्रमासाठी प्रमुख मार्गदर्शक सौ. दिपाली जाधव यांनी ग्रामस्थांना योगाच्या विविध आसनांचे प्रात्यक्षिक दाखवले आणि त्याचे महत्व सांगितले. त्यांनी योग कसे शारीरिक आणि मानसिक आरोग्यासाठी फायदेशीर आहे हे विस्तारपूर्वक सांगितले. याचबरोबर, सात्विक आहाराच्या महत्वाबद्दलही मार्गदर्शन केले गेले.
हा कार्यक्रम सरपंच सौ. रेश्मा ढेंबरे, उपसरपंच श्री. योगेश पिसाळ व सर्व ग्रामपंचायत सदस्य यांच्या उपस्थितीत पार पडला. श्रीमंत शिवाजीराजे उद्यानविद्या महाविद्यालयाचे प्राचार्य डॉ. एस. डी. निंबाळकर, कार्यक्रम अधिकारी डॉ. जे. व्ही. लेंभे व डॉ. ए. आर. पाटील, आणि कार्यक्रम समन्वयक प्रा. ए. डी. पाटील यांच्या मार्गदर्शनाखाली उद्यानकन्या निकिता आल्हाट, अंकिता निकम, प्राजक्ता मुळीक, श्वेता भोसले, श्रावणी भोसले यांनी हा कार्यक्रम यशस्वीरीत्या पार पाडला.
या कार्यक्रमाने ग्रामस्थांमध्ये आरोग्य आणि स्वास्थ्य जागरूकता निर्माण करण्यात महत्त्वपूर्ण भूमिका बजावली. योग प्रशिक्षणामुळे ग्रामस्थांना त्यांच्या दैनंदिन जीवनात स्वास्थ्य आणि संतुलन राखण्याचे मार्ग मिळाले. हा कार्यक्रम ग्रामीण समुदायात आरोग्य आणि जीवनशैली सुधारण्याच्या दिशेने एक महत्त्वपूर्ण पाऊल मानला जाऊ शकतो.
