सोनवडी (खुर्द) येथे कृषी रत्नांचे स्वागत
दैनिक स्थैर्य | दि. १० ऑगस्ट २०२३ | फलटण |
फलटण तालुक्यातील सोनवडी (खुर्द) येथे फलटण एज्युकेशन सोसायटीचे, महात्मा फुले कृषी विद्यापीठ राहुरी मान्यताप्राप्त, कृषी महाविद्यालय फलटण येथील कृषी रत्नांचे आगमन झाले आहे. त्यांचा समस्त ग्रामस्थ, सरपंच, उपसरपंच व ग्रामपंचायत सदस्य यांच्यातर्फे सत्कार करण्यात आला.
यावेळी सोनवडी (खुर्द) गावच्या सरपंच श्रीमती शालन लालासो सूर्यवंशी, उपसरपंच शरद अरविंद सोनवलकर, ग्रामसेवक एस. बी. निंबाळकर, तलाठी राहुल इंगळे, कृषी सहाय्यक सचिन जाधव, सदस्य सचिन गोरख सूर्यवंशी व ग्रामस्थ यावेळी उपस्थित होते.
कृषी महाविद्यालयाचे प्राचार्य डॉ. यु. डी. चव्हाण सर व श्रीमंत शिवाजीराजे उद्यान विद्या महाविद्यालयाचे प्राचार्य डॉ. एस. डी. निंबाळकर सर, कार्यक्रम समन्वयक प्रा. नीलिमा धालपे, कार्यक्रम अधिकारी प्रा. स्वप्निल लाळगे व प्रा. नीतीषा पंडित यांच्या मार्गदर्शनाखाली कृषी रत्न केदार घनवट, भूषण गायकवाड, गणेश कोळेकर, शुभम कोकणे, दुर्वेश बोराटे, शुभम आडके व अंगद कागणे यांनी सोनवडी (खुर्द) येथील शेतकर्‍यांचे अनुभव जाणून घेतले व ग्रामीण कृषी कार्यानुभव कार्यक्रमांतर्गत हे कृषीरत्न शेतकर्‍यांच्या शेतीचा आणि दैनंदिन जीवनाचा अभ्यास करणार आहेत.
