प्रभाग १ मध्ये अपक्षाचा डंका; अस्मिता लोंढे १९१ मतांनी विजयी

फलटण नगरपरिषदेच्या प्रभाग क्रमांक १ मध्ये अपक्ष उमेदवार सौ. अस्मिता लोंढे यांचा दणदणीत विजय. प्रतिस्पर्ध्यांचा पराभव करत मिळवले ८८९ मते. विकासाची ग्वाही.

स्थैर्य, फलटण, दि. 22 डिसेंबर : फलटण नगरपरिषदेच्या नुकत्याच पार पडलेल्या निवडणुकीत प्रभाग क्रमांक १ (जागा अ) मधून अपक्ष उमेदवार सौ. अस्मिता भीमराव लोंढे यांनी बाजी मारली आहे. त्यांनी आपल्या नजीकच्या प्रतिस्पर्ध्याचा १९१ मतांनी पराभव करत नगरसेविका म्हणून निवडून येण्याचा मान मिळवला आहे. त्यांच्या या विजयामुळे प्रभाग क्रमांक १ मध्ये अपक्षाने झेंडा रोवला आहे.

प्रभाग क्रमांक १ मध्ये अत्यंत चुरशीच्या झालेल्या लढतीत अस्मिता लोंढे यांनी पहिल्या फेरीपासूनच आघाडी घेतली होती. त्यांना एकूण ८८९ मते मिळाली. त्यांचे प्रतिस्पर्धी उमेदवार ए. लक्ष्मी आवळे यांना ६९८ मते, तर प्रमोद पवार यांना ५३१ मते मिळाली. मतदारांनी कोणत्याही राजकीय पक्षाच्या चिन्हापेक्षा अपक्ष उमेदवारावर विश्वास दाखवत लोंढे यांना पसंती दिली आहे.

फेरीनिहाय मिळालेली मते:

• पहिली फेरी: ३५४

  

• दुसरी फेरी: ३५३

  

• तिसरी फेरी: १८२

  

• एकूण मते: ८८९ 

• निवडीनंतर बोलताना सौ. लोंढे यांनी मतदारांचे आभार मानले. त्या म्हणाल्या,

“नागरिकांच्या समस्या प्राधान्याने सोडवून प्रभागाच्या सर्वांगीण विकासासाठी मी कटिबद्ध राहीन. स्वच्छता, पाणीपुरवठा, रस्ते, मूलभूत सुविधा तसेच महिला व युवकांच्या प्रश्नांवर माझा विशेष भर असेल.”

अस्मिता लोंढे यांच्या यशाबद्दल प्रभागातील नागरिक, सामाजिक कार्यकर्ते आणि विविध स्तरांतून त्यांचे अभिनंदन होत आहे. त्यांच्या निवडीमुळे प्रभाग क्रमांक १ च्या विकासाला नवी दिशा मिळेल, अशी अपेक्षा स्थानिक नागरिक व्यक्त करत आहेत.