विडणी: जिल्हा परिषद–पंचायत समिती प्रचाराचा नारळ; रणजितदादा व आमदार सचिन पाटील यांची उपस्थिती
विडणी येथे जिल्हा परिषद व गण पातळीवरील उमेदवारांच्या प्रचाराचा शुभारंभ होणार असून उत्तरेश्वर मंदिर येथे कार्यक्रम आयोजित करण्यात आला आहे, अशी माहिती उमेदवार सचिन अभंग यांनी दिली.
स्थैर्य, विडणी, दि. २२ जानेवारी : विडणी जिल्हा परिषद गट व गण पातळीवरील उमेदवारांच्या प्रचाराचा शुभारंभ आज सायंकाळी ५.३० वाजता विडणी येथे होणार आहे. या प्रचाराचा नारळ विडणी येथून फोडला जाणार असून, विडणी गणाचे उमेदवार सचिन गजानन अभंग यांनी याबाबत माहिती दिली.
जिल्हा परिषद व पंचायत समिती निवडणुकांच्या पार्श्वभूमीवर प्रचाराची अधिकृत सुरुवात विडणी येथे करण्यात येणार आहे. या कार्यक्रमातून संपूर्ण गट व गणातील प्रचाराला गती मिळणार आहे.
या प्रचार शुभारंभ कार्यक्रमास माजी खासदार रणजितसिंह नाईक निंबाळकर आणि आमदार सचिन पाटील यांची प्रमुख उपस्थिती असणार आहे. त्यांच्या उपस्थितीमुळे प्रचाराला राजकीय बळ मिळणार असल्याचे मानले जात आहे.
हा कार्यक्रम विडणी येथील उत्तरेश्वर मंदिर येथे पार पडणार असून, कार्यकर्ते व नागरिकांनी मोठ्या संख्येने उपस्थित राहावे, असे आवाहन करण्यात आले आहे.
