‘संसदेतील महाराष्ट्र’ या विषयावर ज्येष्ठ पत्रकार व्यंकटेश केसरी यांचे व्याख्यान

स्थैर्य, नवी दिल्ली, दि. १७: महाराष्ट्र परिचय केंद्राच्या वतीने आयोजित महाराष्ट्र हीरक महोत्सव व्याख्यानमालेत ज्येष्ठ पत्रकार व्यंकटेश केसरी हे उद्या, 17 एप्रिल रोजी ‘संसदेतील महाराष्ट्र’ या विषयावर 29वे पुष्प गुंफणार आहेत.

महाराष्ट्र राज्य निर्मितीला पूर्ण झालेली 60 वर्ष आणि महाराष्ट्र परिचय केंद्राच्या स्थापनेच्या हीरक महोत्सवी वर्षानिमित्ताने 19 मार्च 2021 पासून ‘महाराष्ट्र हीरक महोत्सव व्याख्यानमाला’ सुरु झाली आहे. 17 एप्रिल रोजी या व्याख्यानमालेत ज्येष्ठ पत्रकार व्यंकटेश केसरी सायंकाळी 4 वाजता विचार मांडणार आहेत.

व्यंकटेश केसरी यांच्या विषयी

ज्येष्ठ पत्रकार श्री.केसरी यांचा पत्रकारीता क्षेत्रात एकूण अनुभव जवळपास 42 वर्षांचा असून जवळपास  27 वर्षे त्यांनी संसेदचे अधिवेशनकालीन सत्रांचे वार्तांकन केलेले आहे. व्यंकटेश केसरी मूळचे लातूर जिल्ह्यातील निलंगा येथील आहेत. 1978 पासून त्यांनी विविध दैनिकात काम करायला सुरूवात केली. 1981-82 मध्ये दै.मराठवाडा या वर्तमानपत्राचे संपादक अनंत भालेराव यांच्या मार्गदर्शनाखाली श्री.केसरी यांनी पत्रकार म्हणून कामाला सुरूवात केली.

पुढे दै. लोकमतसह इंग्रजी दै.लोकमत टाइम्स मध्येही श्री.केसरी यांनी कामे केले. याच दैनिकांचे दिल्ली प्रतिनिधी म्हणूनही श्री.केसरी यांनी काम पाहिले. या दैनिकातील ‘दिल्ली डायरी’ हे सदर श्री.केसरीमुळे अधिकच प्रसिद्धीस आले.

एशीयन ऐज या इंग्रजी  दैनिकात श्री.केसरी यांची सुरूवात 1997 ला झाली ते 2016 पर्यंत या दैनिकात होते. एशीयन ऐज मध्ये राजकीय पत्रकार म्हणून सुरूवात केली. जवळपास चार प्रधानमंत्र्यांचा कार्यकाळ त्यांना बघता आला व त्यांच्या बातम्या करता आल्या. याच काळात त्यांनी संसदेचे सर्व अधिवेशनांचे वार्तांकन केले.

एशीयन ऐजमधून निवृत्त झाल्यावर श्री.केसरी हे विविध दैनिकात तसेच संकेत स्थळांवर लिखाण करीत असतात.

समाज माध्यमांहून व्याख्यान प्रसारण

मंगळवार, 17 एप्रिल 2021 रोजी  सायंकाळी 4 वाजता परिचय केंद्राच्या अधिकृत ट्विटरहँडल, फेसबुक आणि युट्यूब चॅनेलहून व्याख्यान थेट प्रसारीत होणार आहे. जास्तीत-जास्त लोकांनी याचा लाभ घ्यावा, असे आवाहन करण्यात येत आहे. हे व्याख्यान परिचय केंद्राचे ‍मराठी  ट्विटर हँडल https://twitter.com/MahaGovtMic, हिंदी ट्विटर हँडल https://twitter.com/MahaMicHindi  आणि ‍ इंग्रजी ट्विटर हँडल https://twitter.com/micnewdelhi   वर लाईव्ह पाहता येणार आहे. तसेच कार्यालयाचे फेसबुक प्रोफाईल https://www.facebook.com/MICNEWDELHI, फेसबुक पेज https://www.facebook.com/micnewdelhiPR/ आणि फेसबुक मीडिया ग्रुप https://www.facebook.com/groups/525576297610799/?ref=share  तसेच https://www.youtube.com/c/MahaInfoCentreNewDelhiयुट्यूब चॅनेलवर पाहता येणार आहे.