फरांदवाडीजवळ अज्ञात वाहनाची मोटारसायकलला धडक; कुरवली बुद्रुकचा एकजण ठार
दैनिक स्थैर्य | दि. १६ डिसेंबर २०२४ | फलटण |
फरांदवाडी गावच्या हद्दीतील सातारा ते फलटण रस्त्यावर बुवा ढाब्याजवळ अज्ञात वाहनाने मोटारसायकलला धडक दिल्याने मोटारसायकलवरील भीमराव दिनकर मदने (वय ५३, रा. कुरवली बुद्रुक (बरड), ता. फलटण) हे गंभीर जखमी होऊन मयत झाले आहेत. या अपघाताची नोंद फलटण शहर पोलीस ठाण्यात झाली असून अपघातानंतर फरार झालेल्या अज्ञात वाहनचालकाविरोधात पोलिसांनी गुन्हा दाखल केला आहे. हा अपघात १५ डिसेंबर रोजी सायंकाळी ६.३० सुमारास घडला. अपघाताची फिर्याद शंकर मदने यांनी पोलिसात दिली.
१५ डिसेंबर रोजी सायंकाळी ६.३० वाजण्याच्या सुमारास भीमराव दिनकर मदने हे मिरगाव येथील सांजोबा देवाच्या यात्रेवरून जेवण करून मोटारसायकलवरून (क्र. एमएच १४ बीएच २११०) परत येत असताना फरांदवाडी गावच्या हद्दीतील सातारा ते फलटण रस्त्यावर बुवा ढाब्याच्या १०० मीटर पुढे एका अज्ञात वाहनावरील चालकाने त्यांच्या मोटारसायकलला धडक दिली. या अपघातात भीमराव मदने गंभीर जखमी झाल्याने त्यांचा मृत्यू झाला.
अपघाताचा अधिक तपास सपोनि नितीन नम करत आहेत.
