कलिंगडच्या आडून गोमांसाची वाहतूक

स्थैर्य, खंडाळा, दि. 18 : पाडेगाव, ता.खंडाळा गावच्या हद्दीत पाडेगाव टोलनाका फिक्स पॉईटवर नाकाबंदी करीत असताना फलटण बाजूकडून नीरा बाजूकडे पिकअप गाडीतून कलिंगडच्या आडून गोमांसाची वाहतूक करत असल्याप्रकरणी लोणंद पोलिसांनी सुमारे 1 लाख 60 हजार रूपये किंमतीचे 800 किलो गोमांस जप्त केले आहे.  या प्रकरणी दोघा जणांविरूध्द गुन्हा दाखल केला आहे.

पाडेगावच्या हद्दीत पाडेगाव टोलनाका फिक्स पॉईटवर नाकाबंदी करीत असताना फलटण बाजुकडून नीरा बाजुकडे एक अशोक लेलॅण्ड कंपनीची पिकअप गाडी (क्र. एम. एच. 14 एफटी 0668) मधुन दिशाभूल करण्यासाठी पाठीमगील बाजूस कलिंगड भरून पुढील बाजूस बिगर परवाना गोमांस भरून अजिम पिरअहमद शेख (वय 25 रा. बाभळगाव, ता.औरद, जि. विदर, राज्य कर्नाटक व जय परम फुलेल (वय 18 रा.जुनी भाजीनड बिड, जि.बिड हे तोंडास मास्क न लावता वाहनाने गोमासाची वाहतूक करताना आढळून आले. या प्रकरणी पोलीस कर्मचारी अमोल अडसुळ यांनी फिर्याद दिली आहे. सहाय्यक फौजदार महामुलकर तपास करीत आहेत.