उसाच्या ट्रॉलीला नंबर न दिल्याने ट्रॅक्टरचालकास उसाने मारहाण; चौघांवर गुन्हा दाखल
दैनिक स्थैर्य | दि. १६ डिसेंबर २०२४ | फलटण |
फलटण येथील श्रीराम साखर कारखान्याच्या आवारात वजनकाट्यावर फिर्यादी महावीर नामदेव तांबवे (वय २६, रा. खुडूस, ता. माळशिरस, जि. सोलापूर) हे आपला उसाचा ट्रॅक्टर वजनकाट्यावर लावण्यासाठी थांबले असताना मागे उभ्या असलेल्या उसाच्या ट्रॅक्टरचालकाने त्याला पुढे नंबर न दिल्याने आपल्या ट्रॅक्टरमालकास बोलावून घेऊन महावीर तांबवे यांना उसाने बेदम मारहाण केल्याने तांबवे हे जखमी झाले आहेत. ही घटना १४ डिसेंबर रोजी दुपारी २.३० वाजण्याच्या सुमारास घडली असून या गुन्ह्याची नोंद फलटण शहर पोलीस ठाण्यात झाली आहे.
या प्रकरणी रघुनाथ हिंमत रुपनवर, रा. बोरावकेवस्ती, लोणंद, ता. माळशिरस, जि. सोलापूर), ट्रॅक्टर (क्र. एमएच ११ एव्ही ६०८६) वरील चालक सतीश खुडे व इतर दोन अनोळखी इसम अशी गुन्हा दाखल झालेल्यांची नावे आहेत.
अधिक तपास म. पो. हवा. माधवी बोडके करत आहेत.
