बोरगावमध्ये आणखी तीन कोरोनाबाधित
स्थैर्य, नागठाणे, दि. ०५ : बोरगाव(ता.सातारा) येथील बाधिताच्या अतिनिकट सहवासातील त्याच्या कुटुंबातील तिघांचा कोरोना अहवाल शनिवारी रात्री पोजेटीव्ह आला आहे. दरम्यान, बोरगाव बाधितांची संख्या ४ झाली आहे.
गेल्या आठवड्यात बोरगाव गावात आजोळी राहावयास असलेला व येथीलच खाजगी डेअरीत फूड सप्लायच्या गाडीवर चालक म्हणून काम करत असलेला युवक कोरोनाबाधित झाला होता. प्रशासनाने त्याच्या अतिनिकट सहवासातील कुटुंबातील व डेअरीतील सुमारे १५ जणांना उपचारासाठी पाठवले होते. शनिवारी रात्री उशिरा बोरगावच्या बाधिताच्या अतिसंपर्कात असलेल्या २५ वर्षीय महिला,१३ वर्षाची युवती व १ वर्षाच्या बालिकेचा अहवाल पोजेटीव्ह आला. तर उर्वरित सर्वांचा अहवाल निगेटिव्ह आल्याचे समजते.प्रशासनाने या सर्वांना आधीच कोरंटाईन केले आहे.
