गोडोली येथुन चंदनाच्या झाडाच्या खोडाची चोरी

दैनिक स्थैर्य । दि. २६ डिसेंबर २०२१ । सातारा । गोडोली, ता. सातारा येथून अज्ञात चोरट्याने ५ हजार रुपये किमतीच्या चंदनाच्या झाडाच्या खोडाची चोरी केल्याची तक्रार सातारा शहर पोलीस ठाण्यात दाखल झाली आहे.

याबाबत पोलिसांनी दिलेली माहिती अशी, दि. २२ रोजी ८ ते दि. २३ रोजी १० वाजण्याच्या दरम्यान गोडोली, ता. सातारा येथील विजय साईप्राईड परिसरात असणाऱ्या पाच हजार रुपये किमतीचे चंदनाच्या झाडाच्या खोडाची चोरी अज्ञात चोरट्याने केल्याची तक्रार बिरादार जाकीउद्दीन पाशामिया, राहणार आदर्श सोसायटी वाडे फाटा सातारा यांनी सातारा शहर पोलिस ठाण्यात दाखल केली आहे. पोलिसांनी अज्ञात चोरट्यावर चोरीचा गुन्हा दाखल केला आहे.