विद्रोहाचा धागा हा प्रेमाचा, द्वेषाचा नाही – डॉ. भारत पाटणकर यांचे प्रतिपादन

दैनिक स्थैर्य । दि. १० डिसेंबर २०२२ । सातारा । विद्रोहाचा धागा हा प्रेमाचा असतो. द्वेषाचा नसतो.  प्रेमाची ताकद विद्रोहात आहे. आणि त्यामुळेच परस्परात प्रेम वाढवणे , सलोखा निर्माण करणे हाच विद्रोही चळवळीचा मुख्य भाग असल्याचे प्रतिपादन पुणे येथे होणाऱ्या चौदाव्या विद्रोही साहित्य संस्कृती संमेलनाचे अध्यक्ष व ज्येष्ठ विचारवंत डॉ. भारत पाटणकर यांनी सातारा येथे बोलताना केले.

चौदाव्या विद्रोही साहित्य संस्कृती संमेलनाच्या अध्यक्षपदी निवड झाल्याबद्दल डॉ भारत पाटणकर यांचा सातारा येथील कला व वाणिज्य महाविद्यालयाच्या शाहू सभागृहात कष्टकऱ्यांचे ज्येष्ठ नेते कॉ एडवोकेट सयाजीराव पाटील यांच्या हस्ते घोंगडी ,  काठी व ग्रंथ देऊन सत्कार करण्यात आला. त्याला डॉ.  भारत पाटणकर उत्तर देत होते.