‘विद्यामृत’ मासिकाचा उद्या श्रीमंत रामराजेंच्या उपस्थितीत प्रकाशन सोहळा
दैनिक स्थैर्य | दि. १२ मे २०२३ | फलटण |
फलटणच्या विद्यावैभव प्रकाशन संस्थेच्या मे २०२३ ‘विद्यामृत’ मासिकाचा प्रकाशन सोहळा शनिवार, दि. १३ मे २०२३ रोजी सायंकाळी ६.०० वाजता डॉ. प्रसाद जोशी हॉस्पिटल, चा़ैथा मजला, फलटण येथे होणार आहे. या मासिकाचे प्रकाशन ज्येष्ठ पत्रकार-लेखक विजय कुवळेकर यांच्या हस्ते होणार असून या कार्यक्रमाच्या अध्यक्षस्थानी विधान परिषदेचे माजी सभापती तथा विद्यमान आमदार श्रीमंत रामराजे नाईक निंबाळकर असणार आहेत.
यावेळी प्रमुख पाहुणे म्हणून संत साहित्याचे अभ्यासक प्रा. लक्ष्मीकांत जोशी उपस्थित राहणार आहेत.
या प्रकाशन सोहळ्यास बहुसंख्येने उपस्थित राहण्याचे आवाहन मासिकाचे संपादक सौ. प्रतिभा दंडवते-पानसे व प्रकाशक बकुल पराडकर यांनी केले आहे.
दरम्यान, विद्यामृत मासिकाच्या प्रकाशन सोहळ्यानंतर ‘गाने-सुहाने’ हा शंतनू पानसे व संयोगिता बादरायणी यांचा कार्यक्रम होणार आहे.
