पंतप्रधान म्हणाले – MSP बंदही होणार नाही आणि संपणारही नाही, काही लोक शेतकऱ्यांना घाबरवून राजकारण करत आहेत

 

स्थैर्य, दिल्ली, दि.१८: पंतप्रधान नरेंद्र मोदींनी
व्हिडिओ कॉन्फरन्सिंगच्या माध्यमातून मध्य प्रदेशातील शेतकऱ्यांना संबोधित
केले. मोदी म्हणाले की काही लोक शेतकर्‍यांच्या खांद्यावरुन बंदूक चालवत
आहेत. ते कृषी सुधारणांवर खोटे बोलत आहेत. शेतकऱ्यांना जमीन गमावण्याची
भीती दाखवून आपले राजकारण चमकवत आहेत. MSP बंद होणार नाही, किंवा संपणार
नाही. आम्ही मागील सरकारपेक्षा अधिक MSP देत ​​आहोत.

काय म्हणाले पंतप्रधान?

MSP बंद होणार नाही आणि संपणार नाही

एक
खोटे वारंवार बोलले जात आहे. मी म्हणतो की स्वामीनाथन अहवालाची अंमलबजावणी
करण्याचे काम आमच्या सरकारने केले. सरकार MSP बद्दल इतके गंभीर आहे की
पेरणीपूर्वी घोषणा करते. कोणत्या पिकावर MSP किती उपलब्ध होणार आहे याची
माहिती शेतकऱ्यांना मिळाली. हे कायदे 6 महिन्यांपूर्वी अंमलात आले होते.
पूर्वीप्रमाणेच एमएसपी जाहीर करण्यात आले होते, त्याच मंडईंमध्ये खरेदी
करण्यात आली होती. कायदा लागू झाल्यानंतर एमएसपी जाहीर करण्यात आला, या
एमएसपीवर पिके खरेदी केली गेली. मला असे म्हणायचे आहे की एमएसपी बंद होणार
नाही, किंवा संपणार नाही.

शेतकऱ्यांची दिशाभूल केली जात आहे

2014
पूर्वीच्या सरकारच्या 5 वर्षात केवळ दीड लाख मेट्रिक टन डाळ शेतकऱ्यांकडून
खरेदी करण्यात आली. आम्ही शेतकऱ्यांना डाळीचे उत्पादन करण्यास प्रोत्साहित
केले. आम्ही 112 लाख मेट्रिक टन डाळ खरेदी केली. डाळी उत्पादक शेतकऱ्यांना
त्यांनी 650 कोटी दिले, तर आम्ही 50 हजार कोटी दिले. आज डाळींतून
शेतकऱ्यांना जास्त पैसे मिळत आहेत. जे लोक शेतकऱ्यांना नीट MSP देऊ शकले
नाहीत, आणि MSP खरेदीही करु शकले नाहीत, ते शेतकऱ्यांची दिशाभूल करत आहेत.

आम्ही शेतकऱ्यांना खर्चाच्या दीडपट MSP दिला

पहिल्यांना
वाटले की, सरकारला शेतकऱ्यांवर जास्त पैसा खर्च करावा लागू नये, म्हणून
स्वामीनाथन अहवाल 8 वर्षे दाबून ठेवला. आमचे सरकार शेतकर्‍यांना अन्नदाता
मानते. स्वामीनाथन आयोगाचा अहवाल रिपोर्ट आम्ही काढला. शेतकऱ्यांना
खर्चाच्या दीडपट MSP दिला. कर्जमाफीचे आश्वासन हे शेतकऱ्यांच्या फसवणूकीचे
उदाहरण आहे. मध्य प्रदेशातील निवडणुकांपूर्वी असे म्हटले होते की आम्ही
कर्ज माफ करू, पण असे काही झाले नाही. राजस्थानातील कोट्यवधी शेतकरी अजूनही
कर्जमाफीच्या प्रतीक्षेत आहेत. अशाप्रकारे कोणी निष्पाप शेतकऱ्यांसोबत कसे
वागू शकते.

काही लोक शेतकऱ्यांना भिती दाखवून राजकारण करत आहे

सरकार
वारंवार विचारत आहे की, कोणत्या क्लॉजमध्ये समस्या आहे हे सांगा. या
दलांकडे याचे कोणतेही उत्तर नाही. शेतकऱ्यांची जमीन जाईल याची भिती दाखवून
आपले राजकारण चमकवत आहेत. त्यांना सरकार चालवण्याची संधी मिळाली होती
तेव्हा त्यांनी का केले, हे लक्षात ठेवणे गरजेचे आहे. त्यांचे सर्व काम
तुमच्या समोर आणायचे आहे. शेतकऱ्यांविषयी बोलणारे लोक, खोटे अश्रू गाळणारे
लोक कसे आहेत, याचा पुरावा स्वामीनाथन आयोगाचा रिपोर्ट आहे. या लोकांनी हा
रिपोर्ट आठ वर्षे दाबून ठेवला.