‘दहशतमुक्त फलटणसाठी आम्हाला साथ द्या’! : सचिन सूर्यवंशी बेडके यांचे आवाहन

सचिन सूर्यवंशी बेडके मतदारांना सांगतात की, आपला प्रभाग शहरातील सर्वाधिक साक्षर प्रभाग म्हणून ओळखला जातो. त्यामुळे सुशिक्षित नागरिकांनी विचारपूर्वक निर्णय घ्यावा. शहराच्या विकासासाठी, शहर सुरक्षित ठेवण्यासाठी आणि विशेषतः शहर दहशतमुक्त ठेवण्यासाठी सर्वांनी एकत्र येणे गरजेचे आहे.

या महत्त्वाच्या कामांसाठी मतदारांनी आपल्यासह शिवसेना, काँग्रेस आणि कृष्णा भिमा विकास आघाडीच्या उमेदवारांना साथ द्यावी, असे कळकळीचे आवाहन त्यांनी केले आहे. शहराची शांतता आणि सुसंस्कृतपणा जपण्यासाठी महाविकास आघाडीचे नेतृत्व आवश्यक आहे, असे ते पटवून देत आहेत.

सध्या सचिन सूर्यवंशी बेडके यांनी मतदारांशी बैठका, चर्चा आणि गाठीभेटींचे सत्र रोज सुरू ठेवले आहे. नागरिकांच्या मूलभूत गरजा तातडीने पूर्ण करून प्रभागाला विकासात आघाडीवर नेण्याचा त्यांचा निर्धार आहे.