‘स्थैर्य’ मासिकाचे केंद्रीय मंत्री गजेंद्रसिंह शेखावत यांच्या हस्ते प्रकाशन

दैनिक स्थैर्य । दि. 13 फेब्रुवारी 2023 । पंढरपूर । माढा लोकसभा मतदार संघाचे खासदार रणजितसिंह नाईक निंबाळकर यांच्या माध्यमातून फलटण तालुक्यासह मतदार संघात होऊ घातलेल्या विकासकामांवर आधारित ‘कव्हर स्टोरी’ असलेल्या ‘स्थैर्य’च्या फेब्रुवारी मासिक आवृत्तीचे प्रकाशन केंद्रीय जलसंपदा मंत्री गजेंद्रसिंह शेखावत यांच्या हस्ते पंढरपूर येथे आज संपन्न झाले. सदर अंकाचे प्रकाशन केल्यानंतर पुढील कार्यक्रमासाठी गाडीतून जात असताना केंद्रीय मंत्री गजेंद्रसिंह शेखावत यांनी बारकाईने या अंकाचे अवलोकन केले.

रखडलेला निरा – देवघर सिंचन प्रकल्प, कृष्णा भीमा स्थिरीकरण योजना आदींची हवाई पाहणी केल्यानंतर केंद्रीय मंत्री गजेंद्रसिंह शेखावत हे पंढरपूर येथील शासकीय विश्रामगृह येथे आले होते. त्यावेळी हा छोटेखानी कार्यक्रम पार पडला.

यावेळी माढा लोकसभा मतदार संघाचे खासदार रणजितसिंह नाईक निंबाळकर, सांगोल्याचे आमदार शहाजीबापू पाटील, माजी आमदार प्रशांत परिचारक, माजी सनदी अधिकारी विश्‍वासराव भोसले, स्वराज पतसंस्थेचे चेअरमन अभिजीत नाईक निंबाळकर, भाजपचे सातारा जिल्हा उपाध्यक्ष जयकुमार शिंदे, भाजपचे फलटण शहराध्यक्ष अमोल सस्ते, आदींची उपस्थिती होती.

‘स्थैर्य’चे संपादक प्रसन्न रुद्रभटे यांनी यावेळी मासिक आवृत्तीविषयी मान्यवरांना थोडक्यात माहिती दिली.