श्रीमंत रामराजेंच्या अमृत महोत्सवी वाढदिवसानिमित्त आयोजित घरगुती गौरी सजावट स्पर्धेस उत्स्फूर्त प्रतिसाद : सौ. वैशाली चोरमले

दैनिक स्थैर्य । दि. ०६ सप्टेंबर २०२२ । फलटण । राष्ट्रवादी काँग्रेस पार्टीचे जेष्ठ नेते व विधानपरिषदेचे माजी सभापती, आमदार श्रीमंत रामराजे नाईक निंबाळकर यांच्या अमृतमहोत्सवी वाढदिवसाच्या निमित्त आयोजित घरगुती गौरी सजावट स्पर्धेस उत्स्फूर्त प्रतिसाद मिळाला आहे. आगामी काळात लवकरच श्रीमंत रामराजे नाईक निंबाळकर यांच्या प्रमुख उपस्थितीत बक्षीस वितरण समारंभ संपन्न होणार आहे, अशी माहिती फलटण नगरपरिषदेच्या माजी नगरसेविका सौ. वैशाली दादासाहेब चोरमले यांनी प्रसिद्धी पत्रकाद्वारे दिली.

विधानपरिषदेचे सभापती माजी सभापती व आमदार श्रीमंत रामराजे नाईक निंबाळकर यांच्या अमृतमहोत्सवी वाढदिवसाच्या निमित्ताने फलटण शहरासाठी मर्यादित घरगुती गौरी सजावट स्पर्धेचे आयोजन नगरपरिषदेच्या माजी नगरसेविका सौ. वैशाली दादासाहेब चोरमले यांनी केले होते. सदरील स्पर्धेस उत्स्फूर्त असा प्रतिसाद मिळाला आहे. फलटण शहरातील शेकडो महिलांनी गौरी सजावट स्पर्धेत सहभाग नोंदवाल्याबद्दल आयोजकांच्या वतीने सौ. वैशाली दादासाहेब चोरमले यांनी आभार मानले.

भव्य घरगुती गौरी सजावट स्पर्धेमध्ये विजेत्या प्रथम क्रमांकाच्या विजेत्यास ₹5,555/- रोख व पैठणी वितरित करण्यात येणार आहे. द्वितीय क्रमांकाच्या विजेत्यास ₹3,333/- व पैठणीचे वितरण करण्यात येणार आहे. तृतीय क्रमाकांच्या विजेत्यास ₹2,222/- व पैठणीचे वितरण करण्यात येणार आहे. त्यासोबतच उत्तेजनार्थ विजेत्यांस पैठणीचे वितरण करण्यात येणार आहे. स्पर्धेत सहभागी झालेल्या प्रत्येकास आकर्षक भेटवस्तू देण्यात येणार आहे. श्रीमंत रामराजे नाईक निंबाळकर यांच्या प्रमुख उपस्थितीत बक्षीस वितरण समारंभ संपन्न होणार आहे, असेही माजी नगरसेविका सौ. वैशाली दादासाहेब चोरमले यांनी स्पष्ट केले.