कार्यकारी सहाय्यकपदी सोनाली मुळीक हिची निवड

दैनिक स्थैर्य । 10 एप्रिल 2025। फलटण । सासकल ता. फलटण येथील प्रगतशील शेतकरी माणिक मुळीक व संगिता मुळीक यांची कन्या व माजी सरपंच मच्छिंद्र मुळीक यांची पुतणी सोनाली मुळीक हिने लोकसेवा आयोगाच्या परीक्षेमध्ये 10 वी रँक मिळवून यश संपादन केले. तिची बृहन्मुंबई महानगरपालिकेमध्ये कार्यकारी सहाय्यकपदी निवड झाली.

सोनालीचा जन्म शेतकरी कुटुंबात झाला असून शेतातली कामे करत तिने हे यश संपादन केले. तिचे प्राथमिक शिक्षण निरगुडी येथील जिल्हा परिषद प्राथमिक शाळेत व माध्यमिक शिक्षण निरगुडी हायस्कूल येथे झाले आहे. तिने पदवीपर्यंतचे शिक्षण वाणिज्य शाखेत मुधोजी महाविद्यालयातून पूर्ण केलेे. पदवीनंतर तिने सनदी लेखापाल यांच्या हाताखाली दोन वर्षे कामही केले. तिची मोठी बहीण माधुरी ही अभियांत्रिकी क्षेत्रात व मनीषा हिने संगणक क्षेत्रात तर लहान बहीण कला शाखेत अध्यापन करत आहे.

या यशाबद्दल तिचे विधान परिषदेचे माजी सभापती आमदार रामराजे नाईक निंबाळकर, माजी खासदार रणजितसिंह नाईक निंबाळकर, आमदार सचिन पाटील, श्रीमंत संजीवराजे नाईक निंबाळकर, श्रीमंत रघुनाथराजे नाईक निंबाळकर, सरपंच उषा फुले, उपसरपंच सोनाली मदने, सदानंद मुळीक, किरण घोरपडे, ग्रामपंचायत सदस्य हणमंत मुळीक, राजेंद्र घोरपडे, मोहन मुळीक, लता मुळीक, धनाजी मुळीक, मोहन मुळीक, संजय मुळीक, दीपक मुळीक, अ‍ॅड. रामचंद्र घोरपडे, विनायक मुळीक, शिवाजी मुळीक, जालिंदर मुळीक, दत्तात्रय मुळीक, दत्तात्रय चव्हाण, चंद्रकांत चव्हाण, विकास मुळीक, मनोहर मुळीक, लालासो सावंत, लहू राजे सावंत, मोहन मुळीक,सोपान मुळीक, लक्ष्मण मुळीक, रघुनाथ मुळीक, दत्तात्रय मुळीक, विनायक मदने, शिवाजी मुळीक व ग्रामस्थांनी अभिनंदन केले.