श्रीमंत शिवाजीराजे उद्यानविद्या महाविद्यालय व कृषी महाविद्यालयाचा उद्या वार्षिक पारितोषिक वितरण समारंभ
दैनिक स्थैर्य | दि. ९ जून २०२३ | फलटण |
फलटण एज्युकेशन सोसायटीच्या श्रीमंत शिवाजीराजे उद्यानविद्या महाविद्यालय व कृषी महाविद्यालय या दोन्ही महाविद्यालयांचा वार्षिक पारितोषिक वितरण समारंभ उद्या (दि. १० जून) सकाळी १०.०० वाजता आयोजित केला आहे. हा कार्यक्रम श्रीमंत मालोजीराजे शैक्षणिक संकुलमधील सांस्कृतिक हॉलमध्ये संपन्न होणार आहे.
या समारंभास प्रमुख पाहुणे म्हणून भारतीय कृषी अनुसंधान परिषदेचे संचालक डॉ. के. सामी रेड्डी उपस्थित राहणार आहेत. विधान परिषदेचे माजी सभापती तथा विद्यमान आमदार श्रीमंत रामराजे नाईक निंबाळकर कार्यक्रमाचे अध्यक्षस्थान भूषविणार आहेत. यावेळी जिल्हा परिषदेचे माजी अध्यक्ष व फलटण एज्युकेशन सोसायटीचे सचिव श्रीमंत संजीवराजे नाईक निंबाळकर, मालोजीराजे शेती विद्यालय व ज्युनिअर कॉलेजच्या शाळा समितीचे चेअरमन शरदराव रणवरे, फलटण एज्युकेशन सोसायटीचे प्रशासन अधिकारी अरविंद निकम यांची प्रमुख उपस्थिती असणार आहे.
या कार्यक्रमास बहुसंख्येने उपस्थित राहण्याचे आवाहन महाविद्यालय समिती सदस्यांनी केले आहे.
