परदेश शिष्यवृत्तीकरिता सातारा जिल्ह्यामधुन विद्यार्थ्याची निवड

दैनिक स्थैर्य । दि. ०६ सप्टेंबर २०२२ । सातारा । सामाजिक न्याय विभागामार्फत अनुसूचित जाती व नवबौद्ध घटक प्रवर्गातील विद्यार्थ्यांना परदेशात पदव्युत्तर पदवी आणि संशोधनात्मक अभ्यासक्रमाच्या (पीएचडी) अध्ययन करण्यासाठी राजर्षी छत्रपती शाहु महाराज शिष्यवृत्ती योजनेचा लाभ दिला जातो. पदव्युत्तर पदवी आणि पीएचडीसाठी  जागतिक स्तरावर  तीनशेच्या आतील  रँकमध्ये  परदेशात  शैक्षणिक संस्थेमध्ये प्रवेश घेणाऱ्या विद्यार्थ्यांना ही  शिष्यवृत्ती प्रदान करण्यात येते. या  योजनेअंतर्गत सन 2022-23 या शैक्षणिक वर्षाकरीता राज्यातून एकूण 75 विद्यार्थ्यांची   निवड   नुकतीच करण्यात आली आहे. त्यामध्ये   सातारा जिल्ह्यामधुन शाहुपुरी,  सातारा येथील. कु.ओंकार  दत्तु कुचेकर या विद्यार्थ्याची   निवड   झालेली आहे.

राजर्षी छत्रपती शाहु महाराज शिष्यवृत्ती योजनेअंतर्गत परदेश शिष्यवृत्तीसाठी निवड झालेल्या सर्वच विद्यार्थ्यांचे राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, विभागाचे सचिव सुमंत भांगे, आयुक्त डॉ.प्रशांत नारनवरे, सह आयुक्त भारत केंद्रे, प्रादेशिक उपायुक्त, पुणे बाळासाहेब सोळंकी तसेच सातारा जिल्ह्याचे सहायक आयुक्त, नितीन उबाळे, यांनी अभिनंदन केले असुन पुढील शिक्षणासाठी शुभेच्छा देऊन. पुढील शैक्षणिक वर्षामध्ये  जिल्ह्यातील जास्तीत जास्त विद्यार्थ्यांनी या योजनेचा लाभ घेण्याचे आवाहन ही  केलेले आहे.