चौधरवाडी तंटामुक्ती समिती अध्यक्षपदी मोरेश्वर जाधव यांची निवड
दैनिक स्थैर्य | दि. १० ऑगस्ट २०२३ | फलटण |
चौधरवाडी, ता. फलटण गावच्या महात्मा गांधी तंटामुक्त गाव अध्यक्षपदी युवा नेते तथा बागायतदार मोरेश्वर छगनराव जाधव यांची बिनविरोध निवड करण्यात आली आहे.
फलटण तालुक्यात बागायतदारांचे गाव तसेच राजकीय मंडळींची पंढरी तसेच अतिशय जागृत गाव म्हणून ओळख असलेल्या चौधरवाडी गावच्या महात्मा गांधी तंटामुक्त गाव अध्यक्षपदी मोरेश्वर जाधव यांची बिनविरोध निवड झाली असून त्यांच्या या निवडीने सर्वांनी त्यांचे अभिनंदन करीत शुभेच्छा दिल्या आहेत.
दि. ८ ऑगस्ट रोजी श्री मारूती मंदिर सभागृहात पोलीस पाटील सौ. रसिका भोसले यांनी सरपंच कोकाटे यांच्या अध्यक्षतेखाली झालेल्या बैठकीत तंटामुक्त गाव अध्यक्ष निवडण्याचा ठराव मांडला. त्यामधून आलेल्या दोन अर्जापैकी एक अर्ज माघारी घेण्यात आला व सर्वानुमते मोरेश्वर जाधव यांची एकमताने अध्यक्षपदी निवड घोषित करण्यात आली.
निवडीनंतर सरपंच, पोलीस पाटील व गावातील ज्येष्ठ मार्गदर्शक यांनी मोरेश्वर जाधव यांचे अभिनंदन केले व पुढील वाटचालीस शुभेच्छा दिल्या.
