सचिन पाटलांच्या प्रचारार्थ समशेरदादा शहराच्या मैदानात
दैनिक स्थैर्य | दि. ११ नोव्हेंबर २०२४ | फलटण | फलटण – कोरेगाव विधानसभा मतदारसंघांमधून महायुतीचे अर्थात राष्ट्रवादी काँग्रेस पार्टीचे अधिकृत उमेदवार सचिन सुधाकर पाटील यांच्या प्रचारासाठी फलटण नगर परिषदेचे माजी विरोधी पक्ष नेते समशेरसिंह नाईक निंबाळकर हे आता प्रचारात सक्रिय होत असून त्यांच्या प्रचाराचा शुभारंभ शुक्रवार पेठेच्या श्रीमंत रामेश्वर महागणपती मंदिरा येथून होत आहे.
फलटण कोरेगाव विधानसभा मतदारसंघ मधून महायुतीचे अर्थात राष्ट्रवादी काँग्रेस पार्टीच्या उमेदवारीवर सचिन सुधाकर पाटील हे निवडणूक लढवत असून त्यांच्या प्रचारासाठी महायुतीतील सर्वच प्रमुख पदाधिकारी हे ऍक्टिव्ह होत असल्याचे दिसून येत आहेत. फलटण नगर परिषदेचे माजी विरोधी पक्ष नेते समशेरसिंह नाईक निंबाळकर हे आज त्यांच्या प्रचाराचा शुभारंभ करणार असून फलटण शहरामध्ये जातीने लक्ष देणार असल्याचे सुद्धा त्यांच्या निकटवर्तीयांकडून बोलले जात आहे.
नुकत्याच झालेल्या लोकसभा निवडणुकीमध्ये फलटण शहरांमधून महायुतीला अर्थात भारतीय जनता पार्टीला मताधिक्य मिळवून देण्यामध्ये फलटण नगर परिषदेचे माजी विरोधी पक्ष नेते समशेरसिंह निंबाळकर यांचा मोलाचा वाटा होता. त्यानंतर आता पुन्हा विधानसभा निवडणुकीसाठी फलटण शहरामध्ये समशेरसिंह नाईक निंबाळकर हे लक्ष देत आहेत.
