कार्यतत्पर अधिकारी “सचिन ढोले”
फलटणचे प्रांताधिकारी सचिन ढोले यांची महसूलमंत्री चंद्रशेखर बावनकुळे यांच्या आस्थापनेवर विशेष कार्यकारी अधिकारी पदी नियुक्ती करण्यात आली आहे. ही नियुक्ती सध्या पर्यंतच्या त्यांच्या कार्यकाळातील उत्कृष्ट कार्यशैलीचा परिणाम आहे. सचिन ढोले यांनी फलटण उपविभागातील विविध प्रश्न मार्गी लावण्यात महत्त्वपूर्ण योगदान दिले आहे, ज्यामुळे त्यांना अतिशय आदर्श अधिकारी म्हणून ओळखले जाते.
सचिन ढोले यांनी यापूर्वी ऊर्जा मंत्री असताना चंद्रशेखर बावनकुळे यांचे विशेष कार्यकारी अधिकारी म्हणून कामकाज केले होते. त्यावेळी त्यांनी ऊर्जा विभागातील अनेक महत्त्वाच्या प्रकल्पांचे संचालन केले होते आणि त्यांच्या कार्यशैलीने विशेष ओळख मिळवली होती. त्यानंतर, त्यांनी पंढरपूर येथे प्रांताधिकारी व विठ्ठल रुक्मिणी देवस्थान समितीच्या सचिव पदी काम केले, जेथे त्यांनी देवस्थानाच्या व्यवस्थापनात महत्त्वपूर्ण भूमिका बजावली.
फलटण येथे प्रांताधिकारी म्हणून कार्यरत असताना, सचिन ढोले यांनी फलटण उपविभागातील विविध प्रश्न मार्गी लावण्यात महत्त्वपूर्ण योगदान दिले. त्यांची तत्परता आणि कार्यक्षमता यामुळे ते अतिशय आदर्श अधिकारी म्हणून ओळखले जातात. नुकत्याच झालेल्या लोकसभा व विधानसभा निवडणुकीमध्ये सुद्धा प्रशासनातील कामकाज हे त्यांनी अतिशय चांगले केले होते. त्यांनी केलेल्या नियोजनाच्यामुळे निवडणूक अधिकारी, कर्मचारी यांची हेळसांड झाली नाही.
सचिन ढोले यांची महसूल विभागामध्ये नियुक्ती झाल्याने फलटणमधील सर्वसामान्य नागरिकांना सुद्धा आता नवा अधिकारी कसा येतोय, याकडे लक्ष लागून राहिले आहे. येणाऱ्या काळामध्ये सचिन ढोले हे सुद्धा नक्कीच महसूल विभागामध्ये अतिशय उत्कृष्ट कसे कामकाज करून दाखवतील असा विश्वास सुद्धा व्यक्त केला जात आहे.
सचिन ढोले यांच्या नियुक्तीमुळे महसूल विभागाला एक कार्यतत्पर आणि कार्यक्षम अधिकारी मिळाला आहे, ज्यामुळे विभागाच्या कार्यात सुधारणा होण्याची अपेक्षा आहे. त्यांच्या पूर्वीच्या कार्यकाळातील यश गाठून, ते भविष्यातही उत्कृष्ट कार्य करून दाखवतील यात शंका नाही.
– प्रसन्न रुद्रभटे, संपादक.
