फलटण तालुक्याच्या राजकारणात आरक्षणाचा महाभूकंप; जिल्हा परिषदेचे 6 गट आरक्षित, मातब्बर नेतेमंडळी घरी बसणार
स्थैर्य, फलटण, दि. 13 ऑक्टोबर : आगामी जिल्हा परिषद व पंचायत समिती निवडणुकीसाठी आज झालेल्या आरक्षण सोडतीने फलटण तालुक्याच्या राजकारणात अक्षरशः महाभूकंप घडवला आहे. सातारा जिल्हा परिषदेचे तालुक्यातील सर्वच्या सर्व आठही गट विविध प्रवर्गांसाठी आरक्षित झाले आहेत. विशेषतः साखरवाडी, गुणवरे, विडणी आणि बरड हे चार गट अनुसूचित जाती (SC) प्रवर्गासाठी राखीव झाल्याने अनेक मातब्बर नेतेमंडळींना निवडणुकीच्या रिंगणातून बाहेर बसावे लागणार आहे. या अनपेक्षित आरक्षणामुळे तालुक्यातील संपूर्ण राजकीय चित्र पालटले असून, नव्या चेहऱ्यांना संधी मिळण्याचा मार्ग मोकळा झाला आहे.
सातारा जिल्हा परिषदेच्या गटांसाठीची आरक्षण सोडत आज जिल्हाधिकारी कार्यालयात, तर फलटण पंचायत समितीच्या गणांची आरक्षण सोडत येथील सजाई गार्डन येथे पार पडली.
जिल्हा परिषद: दिग्गजांना मोठा धक्का
जिल्हा परिषदेच्या आरक्षण सोडतीत फलटण तालुक्यातील ८ पैकी एकमेव गट हा सर्वसाधारण राहिलेला आहे. तब्बल चार गट अनुसूचित जातीसाठी, दोन गट नागरिकांच्या मागास प्रवर्गासाठी आणि एक जागा हि सर्वसाधारण महिलांसाठी आरक्षित झाल्या आहेत. या आरक्षणामुळे जिल्हा परिषदेवर जाण्याचे स्वप्न पाहणाऱ्या अनेक प्रस्थापित नेत्यांना मोठा धक्का बसला आहे.
पंचायत समिती: महिलांना मोठी संधी
फलटण पंचायत समितीच्या १६ गणांपैकी ८ जागा महिलांसाठी राखीव झाल्याने, महिलांना राजकारणात मोठी संधी मिळाली आहे.
फलटण तालुका: जिल्हा परिषद व पंचायत समिती गट-गणनिहाय आरक्षण
१. जिल्हा परिषद गट : तरडगाव (नागरिकांचा मागास प्रवर्ग)
- पंचायत समिती गण – पाडेगाव: सर्वसाधारण
- समाविष्ट गावे: पाडेगाव, परहर खुर्द (पुनर्वसन), कुसूर, मिरेवाडी (कु), रावडी खुर्द, रावडी बुर्द, मुरूम, खामगांव, तडवळे, खराडेवाडी, कोंडार (पुनर्वसन).
- पंचायत समिती गण – तरडगाव: सर्वसाधारण (महिला)
- समाविष्ट गावे: कोरेगाव, कापडगांव, तरडगांव, वरवंड (पुनर्वसन), माळेवाडी, शिंदेमाळ, विठ्ठलवाडी, डोंबाळवाडी, काळज, चव्हाणवाडी.
२. जिल्हा परिषद गट : साखरवाडी – पिंपळवाडी (अनुसूचित जाती – महिला)
- पंचायत समिती गण – साखरवाडी-पिंपळवाडी: नागरिकांचा मागास प्रवर्ग (महिला)
- समाविष्ट गावे: होळ, साखरवाडी-पिंपळवाडी, जिंती, फडतरवाडी.
- पंचायत समिती गण – सस्तेवाडी: नागरिकांचा मागास प्रवर्ग
- समाविष्ट गावे: भिलकटी, खुंटे, शिंदेवाडी, चौधरवाडी, कांबळेश्‍वर, सस्तेवाडी, अलगुडेवाडी.
३. जिल्हा परिषद गट : विडणी (अनुसूचित जाती – महिला)
- पंचायत समिती गण – सांगवी: नागरिकांचा मागास प्रवर्ग (महिला)
- समाविष्ट गावे: सोमंथळी, सांगवी, सोनगांव, राजाळे, टाकळवाडे.
- पंचायत समिती गण – विडणी: सर्वसाधारण
- समाविष्ट गावे: धुळदेव, विडणी, माजेरी (पुनर्वसन), पिंप्रद.
४. जिल्हा परिषद गट : गुणवरे ( अनुसूचित जाती – महिला)
- पंचायत समिती गण – गुणवरे: अनुसूचित जाती (महिला)
- समाविष्ट गावे: गुणवरे, सरडे, साठे, मठाचीवाडी, खटकेवस्ती.
- पंचायत समिती गण – आसू: अनुसूचित जाती
- समाविष्ट गावे: आसू, गोखळी, ढवळेवाडी (आ), पवारवाडी, जाधववाडी (आ), हणमंतवाडी, शिंदेनगर.
५. जिल्हा परिषद गट : बरड (अनुसूचित जाती)
- पंचायत समिती गण – बरड: सर्वसाधारण (महिला)
- समाविष्ट गावे: बरड, बागेवाडी, रांजणी (पुनर्वसन), मुंजवडी, राजुरी, भवानीनगर, विवर (पुनर्वसन), शेरेशिंदेवाडी, निंबळक, वाजेगांव (पुनर्वसन).
- पंचायत समिती गण – दुधेबावी: सर्वसाधारण (महिला)
- समाविष्ट गावे: नाईकबोंमवाडी, दुधेबावी, तिरकवाडी, सोनवडी खुर्द, वडले, मिरढे, जावली, आंदरुड, कुरवली बुर्द, दत्तनगर.
६. जिल्हा परिषद गट : कोळकी (सर्वसाधारण)
- पंचायत समिती गण – कोळकी: सर्वसाधारण
- समाविष्ट गावे: कोळकी, गिरवी, धुमाळवाडी, सोनवडी बुर्द, भाडळी बुर्द, भाडळी खुर्द, बोडकेवाडी.
- पंचायत समिती गण – जाधववाडी (फ): सर्वसाधारण
- समाविष्ट गावे: झिरपवाडी, दालवडी, विंचुर्णी, कुरवली खुर्द, जोर कुरवली खुर्द (पुनर्वसन), तावडी, जाधववाडी (फ), ठाकुरकी, गोळेगांव (पुनर्वसन), सासकल, निरगुडी, मांडवखडक.
७. जिल्हा परिषद गट : वाठार (निंबाळकर) (नागरिकांचा मागास प्रवर्ग)
- पंचायत समिती गण – वाठार (निंबाळकर): सर्वसाधारण (महिला)
- समाविष्ट गावे: वाठार (निंबाळकर), गोळेवाडी (पुनर्वसन), वाखरी, जोर-वाखरी (पुनर्वसन), ढवळ, उपळवे, दर्‍याचीवाडी, सावंतवाडी, जाधवनगर, तरडफ, वेळोशी, शेरेचीवाडी (ढ), सपकळवाडी, खडकी, मिरेवाडी (दा), फरांदवाडी, उळंब (पुनर्वसन).
- पंचायत समिती गण – सुरवडी: सर्वसाधारण
- समाविष्ट गावे: वडजल, रायरीगुडे (पुनर्वसन), काशिदवाडी, ढवळेवाडी (निं), मिरगांव, धामुणशी (पुनर्वसन), नांदल, हिरडोशी (पुनर्वसन), पानस (पुनर्वसन), काटवली (पुनर्वसन), मुळीकवाडी, घाडगेमळा, सुरवडी, निंभोरे, घाडगेवाडी.
८. जिल्हा परिषद गट : हिंगणगाव (सर्वसाधारण – महिला)
- पंचायत समिती गण – सासवड: नागरिकांचा मागास प्रवर्ग
- समाविष्ट गावे: मलवडी, सासवड, वडगांव, वाघोशी, पिराचीवाडी, ताथवडा, कोर्‍हाळे (पुनर्वसन), आळजापूर, बिबी, कापशी, टाकुबाईचीवाडी, झडकबाईचीवाडी, मानेवाडी.
- पंचायत समिती गण – हिंगणगाव: सर्वसाधारण (महिला)
- समाविष्ट गावे: हिंगणगाव, परहर बुर्द (पुनर्वसन), आदर्की बुर्द, आदर्की खुर्द, शेरेचीवाडी (हिं), सालपे, कोपर्डे, तांबवे, चांभारवाडी, आरडगांव.
