८ जुन पासून फलटण – स्वारगेट बससेवा सुरू

स्थैर्य, फलटण, दि. ०५ : मंगळवार दिनांक 8 जून २०२१ पासून फलटण ते स्वारगेट मार्गासाठी राज्य परिवहन महामंडळाच्या वतीने फलटण आगारातून बसेस सुरु करण्यात आलेल्या आहेत. फलटण वरून स्वारगेटसाठी सकाळी ८.३०, १०.३० व १२.३० वाजता प्रवाश्यांच्या उपलब्धतेनुसार बसेस सोडण्यात येणार आहेत. तर स्वारगेट वरून फलटणसाठी दुपारी १२.००, ०२.०० व ०४.०० वाजता बसेस सोडण्यात येणार आहेत. तरी प्रवाश्यांनी लाभ घ्यावा असे आवाहन राज्य परिवहन महामंडळाच्या फलटण आगाराच्या वतीने करण्यात आलेले आहे.