फलटणमध्ये केंद्रीय परराष्ट्र खात्यातून निवृत्ती घेतल्याचे भासवून 2.5 लाख रुपयांची फसवणूक
दैनिक स्थैर्य | दि. १९ जानेवारी २०२५ | फलटण | फलटण शहरात एक फसवणूक प्रकरण समोर आले आहे. या प्रकरणात सुधीर नामदेव नाळे नावाच्या सोसायटीच्या अध्यक्षाने केंद्रसरकारच्या परराष्ट्र मंत्रालयात नोकरी असल्याचे खोटे सांगून एका निवृत्त सरकारी अधिकार्याला 2,50,000 रुपयांची फसवणूक केल्याचा आरोप आहे.
चंद्रकांत शामराव सुसलादे, जे एक निवृत्त सरकारी अभियोक्ता आहेत, त्यांनी फलटण शहर पोलीस स्टेशनमध्ये तक्रार दाखल केली आहे. त्यांनी आरोप केला आहे की सुधीर नाळे यांनी त्यांना केंद्रीय परराष्ट्र मंत्रालयात नोकरी असल्याचे भासवून, निवृत्ती नंतर मिळणारे पैसे व फंडाचे कारण दाखवून फसवले.
सुधीर नाळे यांनी चंद्रकांत सुसलादे यांना विविध वेळी फोन पे द्वारे 2,50,000 रुपये देण्यास सांगितले. हे पैसे त्यांनी वेगवेगळ्या वेळी दिले, परंतु सुधीर नाळे यांनी त्यांना पैसे परत दिले नाहीत. या फसवणुकीच्या प्रकरणात सुधीर नाळे यांनी सोसायटीच्या इतर सदस्यांना देखील खोटे सांगून पैसे घेतल्याचा आरोप आहे.
