सत्यमेव जयते! ‘स्थैर्य’च्या बातमीचाच डंका; ‘स्थैर्य’ने पुन्हा जिंकला फलटणकरांचा विश्वास!

• निवडणूक पुढे जाण्याचे ‘स्थैर्य’चे वृत्त तंतोतंत खरे

• प्रशासकीय मेसेजच्या आधारे दिशाभूल करणाऱ्या बातम्या खोट्या ठरल्या

• राज्य निवडणूक आयोगाचे रात्री ९ वाजता आदेश; ‘स्थैर्य’च्या अचूक पत्रकारितेवर वाचकांचा विश्वास

स्थैर्य, फलटण, दि. 30 नोव्हेंबर : पत्रकारितेत बातमी देण्याची घाई करण्यापेक्षा ‘अचूक’ बातमी देणे महत्त्वाचे असते, हे दैनिक ‘स्थैर्य’ने पुन्हा एकदा सिद्ध केले आहे. फलटण नगरपरिषदेची निवडणूक पुढे जाणार, हे वृत्त ‘स्थैर्य’ने दोन दिवसांपूर्वीच दिले होते. काल (शुक्रवारी) प्रशासकीय मेसेजचा आधार घेत अनेक ठिकाणी ‘निवडणूक पुढे जाणार नाही’ अशा बातम्या पसरल्या, मात्र रात्री ९ वाजता राज्य निवडणूक आयोगाचा अधिकृत आदेश आला आणि ‘स्थैर्य’च्या बातमीवर सत्याची मोहोर उमटवली गेली.

संपूर्ण राज्यात ‘स्थैर्य’ एकमेव!

या घडामोडीत सर्वात महत्त्वाची बाब म्हणजे, जेव्हा ‘स्थैर्य’ने निवडणूक पुढे जाण्याची शक्यता वर्तवली, तेव्हा जिल्ह्यातीलच नव्हे तर राज्यातील कोणत्याही प्रमुख न्यूज चॅनेल, न्यूज पोर्टल किंवा वृत्तपत्रात याबाबत साधी वाच्यताही नव्हती. सर्वत्र शांतता असताना किंवा चुकीची माहिती असताना, ‘स्थैर्य’ने मात्र आपल्या अत्यंत विश्वासू सूत्रांच्या माहितीनुसार धाडसाने हे वृत्त प्रसिद्ध केले. जेव्हा संपूर्ण राज्यभरातील माध्यमे अनभिज्ञ होती, तेव्हा केवळ ‘स्थैर्य’ने अचूक बातमी देऊन आपल्या वाचकांशी असलेली बांधीलकी जपली. या घटनेने ‘स्थैर्य’च्या विश्वासार्हतेवर पुन्हा एकदा शिक्कामोर्तब झाले आहे.

दोन दिवसांपूर्वीच वाजवली होती धोक्याची घंटा

फलटण आणि महाबळेश्वर नगरपरिषदेच्या निवडणूक प्रक्रियेत तांत्रिक अडचणी येत असल्याचे लक्षात येताच, ‘स्थैर्य’ने दोन दिवसांपूर्वीच या निवडणुका पुढे जाण्याची शक्यता वर्तवली होती. त्यानंतर काल दुपारी सविस्तर बातमी देत निवडणूक नक्की का पुढे जाणार? याचे न्यायालयीन आणि तांत्रिक विश्लेषण मांडले होते.

अफवा आणि सत्याचा लढा

काल दिवसभर काही न्यूज पोर्टल्सवर प्रशासनाच्या एका मेसेजचा आधार घेत “निवडणूक ठरलेल्या वेळेतच होणार, निवडणूक पुढे जाणार नाही,” अशा बातम्या प्रसिद्ध झाल्या. यामुळे उमेदवार आणि मतदारांमध्ये संभ्रम निर्माण झाला. मात्र, ‘स्थैर्य’ आपल्या भूमिकेवर आणि बातमीवर ठाम राहिले. कारण आमची बातमी केवळ अंदाजावर नसून खात्रीशीर सूत्रांच्या माहितीवर आधारित होती.

आयोगाचा आदेश आणि विश्वासाचे दुसरे नाव ‘स्थैर्य’

अखेर रात्री ९ वाजता राज्य निवडणूक आयोगाने अधिकृत आदेश जारी करत निवडणूक २० डिसेंबरपर्यंत पुढे ढकलल्याचे जाहीर केले. आयोगाच्या या आदेशाने इतर सर्व अफवांना पूर्णविराम मिळाला. दैनिक ‘स्थैर्य’ कधीही चुकीच्या किंवा अर्धवट माहितीच्या आधारे बातम्या प्रसारित करत नाही, याचा पुन्हा एकदा प्रत्यय फलटणकरांना आला आहे. या घडामोडीमुळे विश्वासाचे दुसरे नाव म्हणजे “स्थैर्य” हे समीकरण पुन्हा एकदा अधोरेखित झाले आहे.