रणजितदादांनी दिलेला शब्द पाळलाच; फलटणला जिल्हा स्तरीय दिवाणी न्यायालय मंजुर; आदेश निर्गमित

दैनिक स्थैर्य । 15 मार्च 2025। फलटण । माढा लोकसभा मतदारसंघाचे माजी खासदार रणजितसिंह नाईक निंबाळकर यांनी गत आठ दिवसांपूर्वी फलटणच्या जनतेला दिलेल्या शब्दाप्रमाणे अवघ्या आठ दिवसांमध्ये फलटण येथे जिल्हास्तरीय दिवाणी न्यायालय मंजूर करून आणले आहे. ही मंजुरी मिळण्यामुळे फलटणच्या सर्वसामान्य जनतेला दिवाणी स्तरीय न्यायालयाच्या कामकाजासाठी सातारा येथे ६५ किलोमीटर प्रवास करण्याची गरज राहणार नाही.

माजी खासदार रणजितसिंह नाईक निंबाळकर यांनी उच्च न्यायालयाच्या व राज्य सरकारच्या निदर्शनास आणून दिलेल्या प्रयत्नांमुळे ही मंजुरी मिळाली आहे. त्यांच्या प्रयत्नांचा परिणाम म्हणून फलटण येथे जिल्हास्तरीय दिवाणी न्यायालय स्थापन करण्याबाबतचा आदेश निर्गमित करण्यात आला आहे. या निर्णयामुळे फलटणच्या जनतेला मोठा दिलासा मिळाला आहे.

फलटण वकील संघाच्या वतीने माजी खासदार रणजितसिंह नाईक निंबाळकर यांचे विशेष आभार मानण्यात आले आहेत. त्यांच्या प्रयत्नांमुळे फलटणच्या जनतेला न्याय मिळवण्यासाठी आता स्थानिक स्तरावरच सुविधा उपलब्ध होणार आहे. या निर्णयाचा परिणाम म्हणून फलटणच्या नागरिकांना न्याय प्राप्त करण्यासाठी आता अधिक सोयीचे वातावरण निर्माण होणार आहे.