फलटण श्री २०२५ शरीर सौष्ठव स्पर्धा : कराडचा रामा मैनाक विजयी

दैनिक स्थैर्य | दि. ३१ जानेवारी २०२५ | फलटण | फलटण येथे कॅप्टन भोसले हेल्थ क्लबच्या वतीने आयोजित झालेल्या जिल्हास्तरीय शरीर सौष्ठव स्पर्धेत फलटणकरांनी उदंड प्रतिसाद दिला. ही स्पर्धा सद्गुरु व महाराजा उद्योग समूहाचे संस्थापक अध्यक्ष दिलीपसिंह भोसले यांच्या अमृत महोत्सवी वर्षानिमित्त आयोजित करण्यात आली होती. स्पर्धेचे आयोजन कॅप्टन भोसले हेल्थ क्लब, फलटण व सातारा जिल्हा शरीर सौष्ठव संघटना यांच्या संयुक्त विद्यमाने करण्यात आले होते.

स्पर्धेचे उद्घाटन दिलीपसिंह भोसले यांच्या हस्ते करण्यात आले. या स्पर्धेत विविध वजन गटांमध्ये अनेक शरीर सौष्ठवप्रेमी सहभागी झाले होते. ६० ते ६५ किलो वजन गटात कराडच्या रामा मैनाकने प्रथम क्रमांक पटकावला, ज्यामुळे त्यांना फलटण श्री २०२५ चा बहुमान मिळाला. याव्यतिरिक्त, इतर वजन गटांमध्ये सुरज नेवसे, ओम शिदे, विजय यादव, रोहित गजरे आणि अजिंक्य महामुनी यांनी प्रत्येक गटातील प्रथम क्रमांक पटकावले.

• ५० ते ५५ किलो गट: प्रथम क्रमांक – सुरज नेवसे, द्वितीय क्रमांक – आकाश देसाई, तृतीय क्रमांक – प्रथमेश भिसे

• ५५ ते ६० किलो गट: प्रथम क्रमांक – ओम शिदे, द्वितीय क्रमांक – राकेश साळुंखे, तृतीय क्रमांक – उदय शिंदे

• ६० ते ६५ किलो गट: प्रथम क्रमांक – रामा मैनाक, द्वितीय क्रमांक – आकाश झाडे, तृतीय क्रमांक – ऋषिकेश गरड

• ६५ ते ७० किलो गट: प्रथम क्रमांक – विजय यादव, द्वितीय क्रमांक – अनिल जाधव, तृतीय क्रमांक – अनिकेत दाते

• ७० ते ७५ किलो गट: प्रथम क्रमांक – रोहित गजरे, द्वितीय क्रमांक – स्वप्नील जाधव, तृतीय क्रमांक – संजय मोरे

• खुल्या गट: प्रथम क्रमांक – अजिंक्य महामुनी, द्वितीय क्रमांक – अभिजित पाडळे, तृतीय क्रमांक – सलमान शेख

स्पर्धेमध्ये पंच म्हणून राजेंद्र हेंद्रे, मुरली वत्स, चंदू पवार, अजित सांडगे, अमोल ननावरे, सुमित क्षीरसागर, उमेश मोहटकर यांनी काम पाहिले. स्पर्धेतील उपस्थितांचे स्वागत व प्रास्ताविक महाराजा मल्टीस्टेटची व्हाईस चेअरमन रणजितसिंह भोसले यांनी केले. सद्गुरु पतसंस्थेचे चेअरमन तेजसिंह भोसले यांनी आभार मानले. स्पर्धेप्रसंगी सद्गुरु पतसंस्थेचे व्हाईस चेअरमन राजाराम फणसे, सद्गुरु शिक्षण संस्थेचे अध्यक्ष तुषार गांधी, जयकुमार शिंदे, माजी नगरसेवक अजय माळवे, सामाजिक कार्यकर्ते सुधीर अहिवळे, संत कृपा उद्योग समूहाचे विलास नलवडे, संदीप चोरमले, अमोल सस्ते, सद्गुरु व महाराजा उद्योग समूहाचे सीईओ संदीप जगताप आदी मान्यवर उपस्थित होते.

बेस्ट पोजर चा बहुमान ओम शिदे यांनी पटकावला, तर फलटण श्री २०२५ चा बहुमान रामा मैनाक कराड यांनी पटकावला. ही स्पर्धा शरीर सौष्ठवप्रेमींसाठी एक प्रेरणादायी क्षण होता आणि समाजात आरोग्य आणि फिटनेसच्या महत्त्वाबद्दल जागरूकता निर्माण करण्यात मदत करेल.