कै. सुभाषराव सूर्यवंशी (बेडके) स्मृतिदिनानिमित्त विविध कार्यक्रमांचे आयोजन
दैनिक स्थैर्य | दि. 21 ऑगस्ट 2024 | फलटण | श्रीराम एज्युकेशन सोसायटीचे माजी अध्यक्ष कै. सुभाषराव नामदेवराव सूर्यवंशी (बेडके) यांच्या प्रथम स्मृती दिनानिमित्त आज बुधवार दि. 21 ऑगस्ट 2024 रोजी श्रीराम एज्युकेशन सोसायटीच्या प्रांगणात विविध कार्यक्रमांचे आयोजन करण्यात आले आहे.
या कार्यक्रमांमध्ये नियत वयोमानुसार सेवानिवृत्त झालेले शिक्षक वृंद, गुणवंत विद्यार्थी, खेळाडू यांचा सत्कार सोहळा संपन्न होणार आहे. त्याचबरोबर सौ. वेणूताई चव्हाण डी फार्मसी कॉलेज डिजिटल क्लासचे उद्घाटन समारंभ सुद्धा संपन्न होणार आहे. नामदेवराव सूर्यवंशी (बेडके) महाविद्यालय बीएससी भाग 1 शुभारंभ व कै. सुभाषराव नामदेवराव सूर्यवंशी (बेडके) स्पर्धा परीक्षा मार्गदर्शन केंद्राचे उद्घाटन मान्यवरांच्या उपस्थितीमध्ये संपन्न होणार आहे.
या कार्यक्रमासाठी श्रीराम एज्युकेशन सोसायटीच्या अध्यक्षा सविताकाकी सुभाषराव सूर्यवंशी (बेडके), उपाध्यक्ष बापूसाहेब मोदी, उपाध्यक्ष सी. एल. पवार, श्रीराम एज्युकेशन सोसायटीचे मानद सचिव डॉ. सचिन सुभाषराव सूर्यवंशी (बेडके), श्रीराम एज्युकेशन सोसायटीचे संचालक महेंद्र सुभाषराव सूर्यवंशी (बेडके), श्रीराम एज्युकेशन सोसायटीच्या सदस्या सौ. ज्योतीताई सचिन सूर्यवंशी (बडके), श्रीराम एज्युकेशन सोसायटीचे सदस्य शिवाजीराव सूर्यवंशी (बेडके), प्रकाश तारळकर, हनुमंतराव निकम, मंगेश दोशी व सर्व शाखांचे प्राचार्य, उपप्राचार्य, पर्यवेक्षक, प्राध्यापक वृंद शिक्षक शिक्षकेतर कर्मचारी कार्यक्रमास उपस्थित राहणार आहेत.
