श्रीमंत मालोजीराजे स्मृती प्रतिष्ठानच्या वतीने फलटणमध्ये तालुका स्तरीय भजन स्पर्धेचे आयोजन
दैनिक स्थैर्य । दि. ०७ नोव्हेंबर २०२२ । फलटण । फलटण येथे श्रीमंत मालोजीराजे स्मृती प्रतिष्ठान आयोजित श्रीमंत लक्ष्मीदेवी राणीसाहेब जयंती – पुण्यतिथी निमित्त तालुका स्तरीय भजन स्पर्धेचे आयोजन दि. १७ व १८ नोव्हेंबर २०२२ रोजी फलटण येथील श्री ज्ञानेश्वर मंदिर (श्री उपळेकर मंदिराशेजारी) करण्यात आले आहे. यामध्ये विजयी संघातील प्रथम क्रमांकास अकरा हजार १११ रुपये रोख व स्मृतिचिन्ह देण्यात येणार आहे. द्वितीय क्रमांकास सात हजार ७७७ रुपये रोख व स्मृतिचिन्ह देण्यात येणार आहे. तृतीय क्रमांकास पाच हजार ५५५ रुपये व स्मृतिचिन्ह देण्यात येणार आहे. तर उत्तेजनार्थ विजेत्यास तीन हजार ३३३ रुपये व स्मृतिचिन्ह देण्यात येणार आहे, अशी माहिती आयोजकांच्या माध्यमातून देण्यात आलेली आहे.
स्पर्धेमध्ये सहभागी होण्यासाठी स्पर्धक संख्या जास्तीत जास्त १० असणे आवश्यक आहे. आपले भजन सादरीकरण करण्यासाठी १० मिनिटे वेळ देण्यात येणार आहे. स्पर्धेमधील अभंग आणि गौळणी ह्या संत रचनेवर आधारित असणे आवश्यक आहे; चित्रपटातील चालींना स्पर्धेत ग्राह्य धरले जाणार नाही. दि. १० नोव्हेंबर २०२२ पर्यंत आपली नाव नोंदणी करणे गरजेचे आहे. स्पर्धेमध्ये नाव नोंदणी साठी रुपये २०० शुल्क असून नाव नोंदणीसाठी श्रीमंत मालोजीराजे स्मृती प्रतिष्ठान कार्यालय (श्रीराम मंदिर, फलटण) व फलटण एज्युकेशन सोसायटी कार्यालय, फलटण येथे संपर्क साधण्याचे आवाहन आयोजकांच्या वतीने करण्यात आले आहे.
