निर्भया पथकाकडून श्रीमंत निर्मलादेवी प्राथमिक शाळेच्या विद्यार्थ्यांना ऑनलाईन मार्गदर्शन
दैनिक स्थैर्य । दि. 01 ऑक्टोबर 2021 । फलटण । येथील फलटण एज्युकेशन सोसायटीच्या श्रीमंत निर्मलादेवी प्राथमिक विद्यामंदिर या शाळेत फलटण पोलीस स्टेशनच्या निर्भया पथकाच्या माध्यमातून पोलीस कॉन्स्टेबल वैभवी भोसले यांनी विद्यार्थी, पालक व शिक्षक यांना शारीरिक सुरक्षिततेबाबत ‘गुड टच ,बॅड टच’ यासह इतर विषयांवर ऑनलाईन मार्गदर्शन केले.
सध्याच्या युगामध्ये तंदुरुस्त तसेच सुरक्षित राहणे ही काळाची गरज आहे. संकटाच्या काळात किंवा संकट आल्यावर कशाप्रकारे त्या संकटावर मात करायची. महिलांच्या सुरक्षेसंदर्भात घ्यावयाची काळजी यासंदर्भात वैभवी भोसले यांनी यावेळी मार्गदर्शन केले.
कार्यक्रमा दरम्यान मुख्याध्यापिका सौ.वैशाली जाधव यांच्या मार्गदर्शनाखाली शिक्षिका रसाळ यांनी स्वागत व प्रास्ताविक केले. तसेच विद्यालयाचे शिक्षक नाळे यांनी आभार मानले.
