कार पलटी होऊन एकजण ठार विंग येथील घटना : तिघेजण गंभीर जखमी
दैनिक स्थैर्य । दि. १८ जुलै २०२१ । कराड । भरधाव कार पलटी होत भिंतीला धडक होऊन झालेल्या अपघातात आगाशिवनगर रेथील एक युवक ठार तर तीन युवक गभीर जखमी झाले आहेत. कराड-ढेबेवाडी मार्गावर कणसेमळा विंग ता. कराड नजीक शुक्रवारी मध्यरात्रीनंतर दोन वाजण्याच्या सुमारास हा अपघात झाला.
अमर पंजाबराव कचरे (वर 32 रा. गणेश कॉलनी आगाशिवनगर,मलकापूर, ता. कराड) असे अपघातात ठार झालेल्या युवकाचे नाव आहे. तर जरदीप शांताराम जाधव (वर 24), निखिल सचिन कालेकर (वर 22), धैर्रशील प्रकाश कदम-पाटील (वर 25, सर्व रा. गणेश कॉलनी, आगाशिवनगर, मलकापूर, ता. कराड ) अशी आपघातात गंभीर जखमी झालेल्या युवकांची नावे आहेत.
अपघातस्थळावरून व पोलिसांकडून मिळालेली माहिती अशी, गणेश कॉलनी, आगाशिवनगर, मलकापूर रेथील चार युवक कारमधून शुक्रवारी रात्री ढेबेवाडीच्या दिशेने जात होते. शुक्रवारी मध्यरात्रीनंतर दोन वाजण्याच्या सुमारास कार कणसेमळा, विंगच्या हद्दीत धोकादारक वळणावर आली असता कार चालकाचा कारवरील ताबा सुटल्राने कार पलटी झाली. पलटी घेत कार रस्त्यालगतच्या भिंतीला धडकली. अपघातात चारही रुवक गंभीर जखमी अवस्थेत कारमध्येच अडकून पडले होते. अपघाताची माहिती मिळताच सहाय्य्क पोलिस निरीक्षक विठ्ठल खाडे यांच्यासह कर्मचारी तातडीने अपघातस्थळी दाखल झाले. जवळच असलेले चचेगाव येथील ग्रामस्थांनी अपघातस्थळी धाव घेतली. अनेक प्रयत्न करूनही कारमधून युवकांना काढण्यात अपरश येत होते. शेवटी जखमींचा जीव वाचवण्यासाठी सहाय्य्क पोलिस निरीक्षक खाडे यांच्यासह ग्रामस्थांनी कारची दरवाजे मोडून जखमींना रुग्णालयात पाठवले असता अमर कचरे याचा उपचारापूर्वीच मृत्यू झाला होता.
