मोटारसायकल अपघातात एक जखमी

दैनिक स्थैर्य । 29 नोव्हेंबर 2024 । फलटण । शहरातील फलटण – लोणंद रोडवरील भगवान सॉ मिल समोर दुचाकीस्वारास अज्ञात दुसर्‍या दुचाकीस्वाराने धडक देवून झालेल्या अपघातात एक जण जखमी झाला आहे.

याबाबत मिळालेली माहित अशी की, दि.23 रोजी सायंकाळी 7 वाजण्याच्या सुमारास विजय पांडुरंग कोरपडे (वय 45), रा. बोरावकेवस्ती, ता.फलटण हे आपल्या एम.एच.11 डी.जे. 6851 क्रमांकाच्या होंडा शाईन गाडीवरुन फलटण – लोणंद रोडवरुन भगवान सॉ मिल समोरुन जात असताना अज्ञात मोटारसायकल चालकाने बेदकारपणे वाहन चालवत कोरपडे यांच्या वाहनाला धडक दिली. यात विजय कोरपडे हे जखमी झाले आहेत. संबंधित वाहन चालकाने अपघात घडताच तिथून पोबारा केल्याने जखमी व्यक्तीचे नातेवाईक सुनिल यशवंत लोणकर यांनी फलटण शहर पोलीस ठाण्यात अज्ञाताविरोधात तक्रार दाखल केली असून अधिक तपास पोलीस हवालदार पूनम वाघ या करीत आहेत.