बरड पोलीस दुरक्षेत्राचे नवे प्रभारी : अक्षय सोनवणे
स्थैर्य, फलटण, दि.२६: ठाणे, रायगड, सिंधुदुर्ग जिल्ह्यात सुमारे १० वर्षे ५ पोलीस ठाण्यांच्या माध्यमातून उत्तम सेवा केलेले सहाय्यक पोलीस निरीक्षक अक्षय सोनवणे यांची सातारा पोलीस दलात बदली झाली असून फलटण ग्रामीण पोलीस ठाण्यांतर्गत बरड पोलीस दुरक्षेत्राचे प्रभारी अधिकारी म्हणून त्यांची नियुक्ती करण्यात आली आहे.
बरड पोलीस दुरक्षेत्राचे प्रभारी अधिकारी सहाय्यक पोलीस निरीक्षक संजय बोंबले यांची पुसेगाव येथे बदली झाल्याने रिक्त जागेवर अक्षय सोनवणे यांची नियुक्ती करण्यात आली आहे.
कोडीद (वीर), ता. पुरंदर येथील मूळ रहिवासी असलेले अक्षय सोनवणे यांनी ठाणे, रायगड जिल्ह्यातील वसई, विरार वगैरे महत्वाच्या पोलीस ठाण्यात काम केले असल्याने त्यांना कामाचा चांगला अनुभव असल्याने बरड दूर क्षेत्रातील प्रलंबीत गुन्हे विशेषतः निमजाई देवस्थान चोरीचा गुन्हा ते उघडकीस आणून आरोपींना जेरबंद करतील अशी अपेक्षा व्यक्त होत आहे.
बरड पोलीस दुरक्षेत्रांतर्गत विविध गावचे सरपंच, सोसायटी चेअरमन, सहकारी संस्थांचे पदाधिकारी, पोलीस पाटील यांच्या सह अनेकांनी सहाय्यक पोलीस निरीक्षक सोनवणे यांचे स्वागत केले आहे.
