राजमाता जिजाऊच्या संस्कार व विचारांची गरज : सुनंदा पवार

दैनिक स्थैर्य । 13 मार्च 2025। बारामती । अत्याधुनिक युगात सर्व काही पैसा आहे. ही बाब रूढ होत असताना मानवाच्या सुरक्षित जीवनासाठी राजमाता जिजाऊच्या संस्कार व विचारांची सध्या गरज असल्याचे प्रतिपादन बारामती कृषी विकास प्रतिष्ठानच्या विश्वस्त सुनंदा पवार यांनी केले.

अखिल भारतीय मराठा महासंघ व जिजाऊ सेवा संघ यांच्या संयुक्त विद्यमाने जागतिक महिलादिनाच्या निमित्त विविध क्षेत्रातील उल्लेखनीय काम करणार्‍या गुणवंत महिलांना राजमाता जिजाऊ पुरस्कार 2025 चे प्रदान करण्यात आले. याप्रसंगी सुनंदा पवार बोलत होत्या.

या प्रसंगी शरयू फाउंडेशनच्या अध्यक्षा शर्मिला पवार, मराठा सेवा संघाच्या विश्वस्त जयश्री सातव, सावित्री तुपे, अखिल भारतीय मराठा महासंघ पुणे जिल्हा अध्यक्षा अ‍ॅड प्रियांका काटे, तालुकाध्यक्षा अ‍ॅड सुप्रिया बर्गे, डॉ सुहासिनी सातव अनिता गायकवाड,ज्योती लडकत, आरती शेंडगे,वनिता बनकर, उज्वला शिंदे, शुभांगी महाडिक, पुनम पिसे, मृदुल देशपांडे, योजना देवळे, जयश्री दाते, सुचेता ढवाण, अल्पा भंडारी, सुनिता शहा, शुभांगी जामदार, अपर्णा खटावकर आदी महिला उपस्थित होत्या.

शरयु फाउंडेशनच्या अध्यक्षा शर्मिला पवार म्हणाल्या, महिलांनी विविध क्षेत्रात आपली कर्तबगारी दाखवून पुरुषाच्या बरोबरीने स्वतःला सिद्ध केले आहे. त्यामुळे वर्षभर महिला दिन साजरा करण्याची गरज आहे.

अर्चना सातव म्हणाल्या, महिलांच्या कलागुणांना वाव मिळावा, त्यांच्यामधील आत्मविश्वास वाढावा, त्यांच्या कार्याची दखल घेऊन इतर महिलांनी तयार व्हावे, यासाठी राजमाता जिजाऊ गौरव पुरस्काराने विविध क्षेत्रातील उल्लेखनीय कार्य करणार्‍या गुणवंत महिलांना सदर पुरस्काराने सन्मानित केले जात आहे.

महिला आयोगच्या सदस्या अ‍ॅड. मनीषा बर्गे यांचे ब्रिटिश पूर्व इतिहास ते आत्याधुनिक भारत मधील महिला कायदे, प्रथा या विषयावर व्याख्यान झाले.

यावेळी सुनंदा पवार, डॉ. मनीषा देशमुख, अ‍ॅड. मनीषा बर्गे, नकुशा शिंदे निंबाळकर, सीमा चव्हाण, विमल माळी, सविता यादव, नंदा बहिरमल, हेमलता फरतडे, डॉ. सुप्रिया बोबडे, गीतांजली थोरात, वनिता घाडगे, सुवर्ण बरबडे, उज्वला कोकरे, नाजनीन तांबोळी यांना राजमाता जिजाऊ गौरव पुरस्काराने सन्मानित करण्यात आले. जिजाऊच्या पुरस्काराने शाबासकी मिळाली असून पुढील काळात जोमाने कार्य करत राहू असे पुरस्कारार्थी महिलांनी मनोगतात सांगितले.

पुरस्कार देताना चौरंगावर बसवून, औक्षण करून, खांद्यावर भगवा शेला टाकून, सन्मान त्र मान्यवरांच्या हस्ते देण्यात आले आगळ्यावेगळ्या पद्धतीने सन्मान होत असताना अनेक महिलांना गहिवरून आले. सावळेपाटील यांनी सूत्रसंचालन केले. स्वाती ढवाण यांनी आभार मानले.