राज्यासह देश हादरणार! बड्या नेत्याचा पक्ष आणि चिन्ह जाणार? राज्यात आता एकच उपमुख्यमंत्री राहणार?; ‘स्थैर्य’चा खळबळजनक गौप्यस्फोट

• राज्याच्या राजकारणात मोठ्या भूकंपाची चिन्हे; पुढील १५ ते २० दिवस अत्यंत महत्त्वाचे

• एका प्रमुख नेत्याचा पक्ष आणि चिन्ह जाण्याची शक्यता

• नवीन समीकरणामुळे राज्यात आता केवळ एकच उपमुख्यमंत्री राहणार?

स्थैर्य, फलटण, दि. 30 नोव्हेंबर : राज्याच्याच नव्हे, तर संपूर्ण देशाच्या राजकारणाला हादरवून सोडणारी एक अत्यंत महत्त्वाची आणि मोठी घडामोड आगामी काळात घडण्याची दाट शक्यता आहे. महाराष्ट्रातील एका प्रमुख राजकीय नेत्याच्या हातातून त्यांचा पक्ष आणि पक्षाचे चिन्ह निसटणार असल्याचे खात्रीशीर वृत्त समोर येत आहे. या राजकीय उलथापालथीमुळे राज्यात भविष्यात केवळ एकच उपमुख्यमंत्री राहणार असल्याचे संकेत मिळत आहेत. याबाबतची सर्वात पहिली बातमी ‘स्थैर्य’ प्रसिद्ध करत आहे.

१५ ते २० दिवसांत ‘पिक्चर’ क्लियर होणार

विश्वसनीय सूत्रांनी दिलेल्या माहितीनुसार, येत्या १५ ते २० दिवसांत राज्याच्या राजकारणात अभूतपूर्व गोष्टी घडणार आहेत. सध्या सुरू असलेल्या न्यायालयीन आणि निवडणूक आयोगाच्या पातळीवरील काही महत्त्वाच्या प्रकरणांचा निकाल किंवा निर्णय या कालावधीत अपेक्षित आहे. याचा थेट फटका सत्तेतील एका बड्या गटाला बसण्याची शक्यता आहे.

पक्ष आणि चिन्ह संकटात?

राज्यातील एका अत्यंत प्रमुख नेत्याकडे आता त्यांचा मूळ पक्ष आणि त्या पक्षाचे चिन्ह राहणार नाही, अशी परिस्थिती निर्माण झाली आहे. जर असे घडले, तर त्या नेत्याचे राजकीय अस्तित्व आणि सत्तेतील स्थान डळमळीत होऊ शकते. या कायदेशीर आणि तांत्रिक घडामोडींमुळे संबंधित नेत्याला मोठा धक्का बसू शकतो.

एकच उपमुख्यमंत्री राहणार

सध्या राज्यात दोन उपमुख्यमंत्री आहेत. मात्र, आगामी काळात होणाऱ्या या बदलांमुळे सत्तेची समीकरणे पूर्णपणे बदलणार आहेत. ज्या नेत्याचा पक्ष आणि चिन्ह जाईल, त्यांचे उपमुख्यमंत्रिपदही धोक्यात येऊ शकते किंवा समीकरणे बदलून राज्यात केवळ एकच उपमुख्यमंत्री पदावर कायम राहील, अशी चर्चा आता जोर धरू लागली आहे.

ही घडामोड नक्की कोणाबाबत घडणार? आणि त्याचे परिणाम काय असतील? याकडे आता संपूर्ण देशाचे लक्ष लागले असून, ‘स्थैर्य’ने याबाबत सर्वप्रथम वाचकांना अवगत केले आहे.