लडकत स्कूल ऑफ फाउंडेशनचा दहावीचा निकाल 100%

दैनिक स्थैर्य । 18 मे 2025। बारामती। येथील लडकत स्कूल ऑफ फाउंडेशनने यंदाच्या दहावीच्या परीक्षेत 100% निकालाची घौडदौड कायम राखली आहे. विद्यालयाच्या सेमी इंग्रजी विभागात सिद्धी धर्माधिकारी हिने 96.60% गुण मिळवून प्रथम क्रमांक पटकावला. अभिषेक सानप93.60% दुसरा, तर समीक्षा देवकाते 92.40% हिने तिसरा क्रमांक मिळवला.

इंग्रजी माध्यम विभागातून गौरी ढमे हिने 93.80%गुणांसह प्रथम क्रमांक, प्रणवराज गोलांडे (91%) दुसरा, तर रुतुजा पवार हिने 90.60% गुण मिळवून तिसरा क्रमांक मिळवला आहे. विद्यालयातील एकूण 11 विद्यार्थ्यांनी 90% पेक्षा जास्त गुण मिळवले असून, 63 विद्यार्थी 80% पेक्षा अधिक गुणांसह उत्तीर्ण झाले आहेत. 75 हून अधिक विद्यार्थ्यांनी 80% पेक्षा जास्त गुण मिळवले आहेत, ही बाब विशेष उल्लेखनीय आहे.

या यशस्वी विद्यार्थ्यांचा आणि त्यांच्या पालकांचा सत्कार संस्थेच्या वतीने करण्यात आला. लडकत स्कूल ऑफ फाउंडेशनमध्ये नीट, जे ई ई व सी ई टी परीक्षांची तयारी केली जाते असून, यंदा काही विद्यार्थी सरळ सरकारी एमबीबीएस कॉलेजसाठी पात्र ठरले आहेत तसेच नीट व शासकीय अभियांत्रिकी कॉलेज मध्ये प्रवेश मिळाला आहे. सध्या 11 वीसाठी प्रवेश सुरू आहेत.

यशस्वी विद्यार्थ्यांचे व मार्गदर्शक शिक्षकांचे संस्थेचे चेअरमन नामदेव लडकत, संचालक प्रियांका लडकत, शुभांगी लडकत, गणेश लडकत, प्राचार्य रामचंद्र वाघ, तानाजी गवळी आदींनी अभिनंदन केले. अनिल काशीद यांनी आभार मानले.