केशवराव धोंडगे यांच्या निधनाने एक सरळमार्गी व्यक्तिमत्व हरपले : मंत्री सुधीर मुनगंटीवार
दैनिक स्थैर्य । दि. ०२ जानेवारी २०२३ । मुंबई । केशवराव धोंडगे यांच्या निधनाने एक सरळमार्गी व्यक्तिमत्व आपल्यातून गेले आहे अशा शब्दात वने, सांस्कृतिक कार्य व मत्स्य व्यवसाय मंत्री सुधीर मुनगंटीवार यांनी आपली शोकसंवेदना व्यक्त केली आहे.
श्री. मुनगंटीवार म्हणाले की, केशवरावांच्या निधनाने एका पर्वाचा अस्त झाला आहे. आपल्या विचारसरणीशी ते शेवटपर्यंत प्रामाणिक राहिले. मराठवाड्याच्या प्रश्नांवर ते आक्रमक राहिले. त्यांच्या निधनाने एक सरळमार्गी व्यक्तिमत्व हरपले आहे. ईश्वर त्यांच्या आप्तांना हे दुःख सहन करण्याचे बळ देवो आणि केशवरावांना सद्गती देवो अशी प्रार्थना त्यांनी करत त्यांनी श्रद्धांजली अर्पण केली.
