‘दिलखुलास’ कार्यक्रमात दीपेंद्र सिंह कुशवाह यांची मुलाखत
दैनिक स्थैर्य । दि. १९ मे २०२२ । मुंबई । माहिती व जनसंपर्क महासंचालनालय निर्मित ‘दिलखुलास’ या कार्यक्रमात महाराष्ट्र राज्य नाविन्यता सोसायटीचे मुख्य कार्यकारी अधिकारी दीपेंद्र सिंह कुशवाह यांची विशेष मुलाखत प्रसारित होणार आहे. ही मुलाखत राज्यातील आकाशवाणीच्या सर्व केंद्रांवरून व ‘न्यूज ऑन एआयआर’ या मोबाईल ॲपवर गुरूवार दि. 19 मे व शुक्रवार 20 मे 2022 रोजी सकाळी 7.25 ते 7.40 या वेळेत प्रसारित होईल. ज्येष्ठ निवेदक संजय भुस्कुटे यांनी ही मुलाखत घेतली आहे.
महाराष्ट्राने उद्योगक्षेत्रात आपला स्वतःचा एक मापदंड निर्माण केला आहे. देशाच्या प्रगतीचे इंजिन असलेल्या महाराष्ट्रात सर्वाधिक स्टार्ट अप निर्माण झाले आहेत. नव उद्योजकांसाठी महाराष्ट्राने नेहमीच लाल गालिचा अंथरलेला आहे. नवीन उद्योजक तयार व्हावेत, त्यांना प्रोत्साहन मिळावे यासाठी महाराष्ट्र राज्य नाविन्यता सोसायटी कार्यरत असून, सोसायटीचे कार्य, त्याचे नवउद्योजक, रोजगार निर्मितीसाठीचे प्रयत्न याविषयी सविस्तर माहिती दीपेंद्र सिंह कुशवाह यांनी दिलखुलास या कार्यक्रमातून दिली आहे.
