शिवांश मंगल कार्यालयाच्या उद्या शुभारंभ
दैनिक स्थैर्य | दि. 17 डिसेंबर 2023 | फलटण | फलटण ते सातारा रस्त्यावर वाठार निंबाळकर येथे नव्याने सुरू होत असलेल्या शिवांश मंगल कार्यालयाच्या शुभारंभ कार्यक्रमाच्या निमित्ताने उद्या सोमवार दि. १८ रोजी सकाळी ८ वाजून ३० मिनिटांनी प्रभू श्री हनुमान यांची मुर्ती प्रतिष्ठापना व त्यानंतर वास्तुशांती समारंभ कार्यक्रम संपन्न होणार आहे. सदर कार्यक्रमास सहकुटुंब सहपरिवार उपस्थित रहावे; असे आवाहन सरक परिवाराच्या वतीने करण्यात आले आहे.
शिवांश मंगल कार्यालय यापुढे सर्व कार्यक्रम, लग्न समारंभ, जावळ, वाढदिवस, बैठक, सभा यासाठी खुले राहणार असुन यामध्ये शेतकरी, मेंढपाळ व गरजु कामगार लोकांना विशेष सवलतीत सदर कार्यालय उपलब्ध करून दिले जाईल असे युवा उद्योजक तानाजी सरक यांनी स्पष्ट केले.
सर्वांनी सदर ऑफरचा लाभ मोठ्या प्रमाणावर घेण्यात यावा; असे आवाहन सरक परिवाराच्या वतीने करण्यात आले आहे. सदर कार्यालयाचे उद्घाटन आई कांताबाई सरक व वडील सुर्यकांत सरक यांच्या शुभहस्ते करण्याच येणार असुन यामुळे एक वेगळा आदर्श सरक यांनी समाजासमोर ठेवला आहे.
