श्रीमंत रामराजेंच्या वाढदिवसानिमित्त आयोजित रक्तदान शिबीरास उस्फुर्त प्रतिसाद; राष्ट्रवादी विद्यार्थी काँग्रेसचे कामकाज कौतुकास्पद : आमदार दीपक चव्हाण
स्थैर्य, फलटण, दि. १४ : राज्यात कोरोना रूग्णांची झपाट्याने वाढ होत असताना रक्ताचा तुटवडा निर्माण झाला आहे या पार्श्वभूमीवर राष्ट्रवादी काँग्रेस पार्टीचे राष्ट्रीय अध्यक्ष मा.खा.शरदचंद्रराव पवार साहेब यांनी जास्तीत जास्त रक्तदान करण्याचं आवाहन केलेले होते. त्या आवाहनास प्रतिसाद देण्यासाठी महाराष्ट्र विधानपरिषदेचे सभापती ना.श्रीमंत रामराजे नाईक निंबाळकर यांच्या वाढदिवसानिमित्त राष्ट्रवादी विद्यार्थी काँग्रेस फलटण तालुका व शहर यांनी मंगळवार दि.१३ एप्रिल २०२१ रोजी सकाळी १० वा. ब्लड बॅंक फलटण येथे रक्तदान शिबिर आयोजित केलेले होते. समाजाची गरज ओळखून आयोजित केलेले रक्तदान शिबिर कौतुकास्पद आहे. असे मत फलटण – कोरेगाव विधानसभा मतदारसंघाचे आमदार दीपक चव्हाण व सातारा जिल्हा परिषदेचे माजी अध्यक्ष व विद्यमान सदस्य श्रीमंत संजीवराजे नाईक निंबाळकर यांनी व्यक्त केले.
शिबिराचे उद्घाटन फलटण-कोरेगाव विधानसभा मतदारसंघाचे आमदार दीपक चव्हाण व सातारा जिल्हा परिषद माजी अध्यक्ष व विद्यमान सदस्य श्रीमंत संजीवराजे नाईक निंबाळकर यांच्या शुभहस्ते यांच्या पार पडले. नुकत्याच काही दिवसापूर्वी राष्ट्रवादी विद्यार्थी काँग्रेसच्या पदाधिकार्यांच्या नियुक्ती करण्यात आल्या होत्या त्यानंतर अल्पकाळात विद्यार्थी सेल सामाजिक उपक्रम राबविण्यात सुरू केलेले आहेत, त्या बद्दल श्रीमंत संजीवराजे नाईक निंबाळकर यांनी राष्ट्रवादी विद्यार्थी काँग्रेसच्या नवनियुक्त पदाधिकाऱ्यांचे कौतुक केले.
विधानपरिषद सभापती ना.श्रीमंत रामराजे नाईक निंबाळकर, आमदार दीपक चव्हाण, फलटण कृषी उत्पन्न बाजार समिती सभापती श्रीमंत रघुनाथराजे नाईक निंबाळकर, सातारा जिल्हा परिषद माजी अध्यक्ष व विद्यमान सदस्य श्रीमंत संजीवराजे नाईक निंबाळकर, माजी नगरसेवक व युवा नेते श्रीमंत अनिकेतराजे रामराजे नाईक निंबाळकर, गोविंद मिल्क ॲंण्ड मिल्क प्रोडक्ट्सचे संचालक व युवा नेते श्रीमंत सत्यजितराजे संजीवराजे नाईक निंबाळकर, पंचायत समिती सदस्य व युवा नेते श्रीमंत विश्वजीतराजे रघुनाथराजे नाईक निंबाळकर यांनी रक्तदान शिबिर आयोजित केल्याबद्दल राष्ट्रवादी विद्यार्थी काँग्रेसच्या नवनियुक्त पदाधिकाऱ्यांचे कौतुक केले.
तसेच राष्ट्रवादी काँग्रेस पार्टी फलटणचे जेष्ठ नेते भिमदेव बुरंगले, यश कन्ट्रशनचे राजीव नाईक निंबाळकर, फलटण पंचायत समिती माजी सभापती दत्तात्रय गुजंवटे यांनी सदिच्छा भेट देऊन कार्यक्रमास शुभेच्छा दिल्या. रक्तदान शिबिरास राष्ट्रवादी विद्यार्थी काँग्रेसचे जिल्हा उपाध्यक्ष श्रीधर कदम, जिल्हा सरचिटणीस आदित्य भोईटे, तालुकाध्यक्ष अभिजित निंबाळकर, तालुका उपाध्यक्ष निलेश जठार, निरंजन पिसाळ, तालुका सरचिटणीस गौरव पवार, प्रतिक पवार, तालुका संघटक प्रसाद जाधव, प्रथमेश शेलार, प्रताप नाळे, स्वप्निल पिसाळ, शहराध्यक्ष आकाश सोनवलकर, शहरउपाध्यक्ष गौरव नष्टे, शहर संघटक ओम पवार या पदाधिकार्यांनी रक्तदान शिबिर उत्स्फूर्त रित्या पार पाडले.
