फलटणमध्ये पुन्हा एकदा माणुसकीची भिंतीचा उपक्रम सुरु : फिरोज बागवान
दैनिक स्थैर्य । दि. 06 जुलै 2025 । फलटण । सुवर्ण परिस स्पर्श फाऊंडेशनने मानवतेची भिंत अर्थात माणुसकिची भिंत हा अनोखा उपक्रम राबवून समाजातील गरजूंना मदत करण्याचा एक प्रेरणादायी प्रयत्न केला आहे. या उपक्रमांतर्गत, नागरिकांनी आपल्या वापरात नसलेले चांगले कपडे आणि इतर उपयुक्त वस्तू फाऊंडेशनच्या कार्यालयात आणून द्याव्यात. यामुळे स्वतःचे पैसे खर्च न करता गरजूंना मदत करण्याचा एक प्रभावी मार्ग उपलब्ध झाला असल्याचे मत युवा उद्योजक फिरोज बागवान यांनी स्पष्ट केले आहे.
याबाबत अधिक माहिती देताना बागवान म्हणाले की, आपल्या घरातील अनावश्यक पण वापरण्यायोग्य वस्तू फेकून न देता, त्यांचा उपयोग गरजूंसाठी करणे. यातून सुवर्ण परिस स्पर्शच्या माध्यमातून मानवतेचा आणि सामाजिक बांधिलकीचा संदेश प्रभावीपणे पोहोचवण्यात आला.
या उपक्रमाला नागरिकांनी मोठ्या प्रमाणात पाठिंबा दर्शवला. अनेकांनी आपल्या घरातील चांगले कपडे, दैनंदिन वापरातील वस्तू आणि इतर साहित्य फाऊंडेशनच्या कार्यालयात आणून दिले. यामध्ये सर्वच वस्तू चांगल्या स्थितीत नसल्या, तरी फाऊंडेशनच्या
ट्रेनर इनामदार यांनी आणि स्वयंसेवकांनी खराब वस्तू बाजूला काढून केवळ वापरण्यायोग्य आणि चांगल्या दर्जाच्या वस्तू गरजूंपर्यंत पोहोचवल्या. या काळजीपूर्वक निवडीमुळे गरजूंना खरोखर उपयोगी साहित्य मिळाले.
जे गरजू या उपक्रमात सहभागी झाले, त्यांच्यापैकी अनेकजण आर्थिक परिस्थितीमुळे चांगले कपडे किंवा आवश्यक वस्तू खरेदी करू शकत नव्हते. मानवतेची भिंत उपक्रमामुळे त्यांना मोफत कपडे आणि साहित्य मिळाले. गरजूंना आपल्या गरजेनुसार आणि हव्या तेवढ्या वस्तू मिळाल्याने त्यांच्या चेहर्‍यावर आनंद आणि समाधान दिसून आले. त्यांनी फाऊंडेशनला दिलेले आशीर्वाद आणि कृतज्ञता यामुळे हा उपक्रम अधिक अर्थपूर्ण ठरला. हा आनंद आणि हे आशीर्वाद लाखो रुपये खर्च करूनही मिळू शकणार नाहीत, असे फाऊंडेशनच्या अध्यक्षा शबाना पठाण यांनी सांगितले.
सुवर्ण परिस स्पर्श फाऊंडेशनचे योगदान
सुवर्ण परिस स्पर्श फाऊंडेशनने या उपक्रमाद्वारे केवळ गरजूंना मदतच केली नाही, तर समाजात परस्पर सहकार्य आणि मानवतेचा संदेशही पोहोचवला. या उपक्रमात सहभागी झालेल्या सर्व दानशूर व्यक्ती आणि गरजू यांचे फाऊंडेशनने मनःपूर्वक आभार मानले. फाऊंडेशन गेल्या अनेक वर्षांपासून विविध सामाजिक उपक्रमांद्वारे लोकहिताचे कार्य करत आहे. महिला सबलीकरण, रक्तदान शिबिरे, आरोग्य तपासणी मोहिमा, शैक्षणिक उपक्रम आणि पर्यावरण संवर्धन यासारख्या अनेक क्षेत्रांत फाऊंडेशन सक्रिय आहे. ममानवतेची भिंतफ हा त्याचाच एक भाग आहे.
सुवर्ण परिस स्पर्श फाऊंडेशनच्या या आणि अशा इतर उपक्रमांमध्ये सहभागी होण्यासाठी किंवा अधिक माहितीसाठी तुम्ही या 9011571613 नंबर वर संपर्क करू शकता किंवा त्यांच्या उपळेकर मंदीरा समोरील सारंग बिडिंग फलटण या कार्यालयाशी संपर्क साधू शकता. आपल्या छोट्या योगदानातूनही मोठा बदल घडू शकतो, हा संदेश या उपक्रमाने प्रभावीपणे दिला आहे.
